«Мемлекеттік аудитор біліктілігін иеленуге үміткер адамдарды сертификаттау қағидаларын бекіту туралы» Республикалық бюджеттің атқарылуын бақылау жөніндегі есеп комитетінің 2015 жылғы 15 желтоқсандағы № 22-НҚ нормативтік қаулысына өзгерістер мен толықтырулар енгізу туралы
Қазақстан Республикасы Жоғары аудиторлық палатасының 2023 жылғы 24 қарашадағы № 21-НҚ нормативтік қаулысы
ҚАУЛЫ ЕТЕДІ:
1. «Мемлекеттік аудитор біліктілігін иеленуге үміткер адамдарды сертификаттау қағидаларын бекіту туралы» Республикалық бюджеттің атқарылуын бақылау жөніндегі есеп комитетінің 2015 жылғы 15 желтоқсандағы № 22-НҚ нормативтік қаулысына (Нормативтік құқықтық актілерді мемлекеттік тіркеу тізілімінде № 12720 болып тіркелген) мынадай өзгерістер мен толықтырулар енгізілсін:
Мемлекеттік аудитор біліктілігін иеленуге үміткер адамдарды сертификаттау қағидаларында:
5-тармақ мынадай редакцияда жазылсын:
«5. Білімді растауды «Мемлекеттiк сатып алу туралы» Қазақстан Республикасының Заңына сәйкес айқындалған ұйым (бұдан әрі - білімді растау жөніндегі ұйым) өткізеді.
«Мемлекеттік сатып алу туралы» Қазақстан Республикасының Заңына сәйкес білімді растау жөніндегі ұйым айқындалмаған жағдайда, білімді растауды Заңның 12-бабы 4-тармағының 8) тармақшасына және 14-бабының 5) тармақшасына сәйкес:
сыртқы мемлекеттік аудитті жүзеге асыратын кандидаттар үшін - Жоғары аудиторлық палата;
ішкі мемлекеттік аудитті жүзеге асыратын кандидаттар үшін - ішкі мемлекеттік аудит жөніндегі уәкілетті орган (бұдан әрі - уәкілетті орган) ұйымдастырады.
Білімді растау білімді растау жөніндегі ұйымдардың қаражаты есебінен «Мемлекеттік қызметтің персоналын басқару ұлттық орталығы» акционерлік қоғамының (бұдан әрі - Орталық) базасында компьютерлік техниканы қолдану арқылы біліктілік емтихандарын тапсыру жолымен өткізіледі.
Біліктілік емтихандары Орталықтың Бас директорының 2020 жылғы 28 ақпандағы №13-П бұйрығымен бекітілген «Мемлекеттік мекемелермен өзара іс-қимыл жасайтын тұлғаларды компьютерлік тестілеу қағидаларына» сәйкес жүргізіледі.»;
мынадай редакциядағы 5-1-тармақпен толықтырылсын:
