Азаматтық қорғау саласындағы инженерлік-коммуникациялық, көліктік инфрақұрылымдар ең төменгі стандарттарды бекіту туралы
Қазақстан Республикасы Төтенше жағдайлар министрлігінің 2025 жылғы 30 сәуірдегі № 169 бұйрығы
Қазақстан Республикасы Бюджет кодексінің 70-бабының 3-тармағына сәйкес БҰЙЫРАМЫН:
1. Осы бұйрықтың қосымшасына сәйкес азаматтық қорғау саласындағы инженерлік-коммуникациялық, көліктік инфрақұрылымдардың ең төменгі стандарттары бекітілсін.
2. Қазақстан Республикасы Төтенше жағдайлар министрлігінің Стратегиялық жоспарлау және жедел басқару командалық орталығы Қазақстан Республикасының заңнамасында белгіленген тәртіппен:
осы бұйрықты Қазақстан Республикасы Төтенше жағдайлар министрлігінің интернет-ресурсында орналастыру қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Төтенше жағдайлар вице-министрлеріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Министрдің міндетін атқарушы | К. Тұрсынбаев |
Қазақстан Республикасы
Төтенше жағдайлар министрлігінің
2025 жылғы 30 сәуірдегі
№ 169 бұйрығына қосымша
Азаматтық қорғау саласындағы инженерлік-коммуникациялық, көліктік инфрақұрылымдардың
ең төменгі стандарттары
1- тарау. Жалпы ережелер
1. Осы азаматтық қорғау саласындағы инженерлік-коммуникациялық, көліктік инфрақұрылымдардың ең төменгі стандарттары (бұдан әрі - ең төменгі стандарттар) Қазақстан Республикасы Бюджет Кодексінің 70-бабының 3-тармағына сәйкес әзірленді.
2. Азаматтық қорғау саласындағы ең төменгі стандарттарды әзірлейтін және бекітетін орталық мемлекеттік органның атауы: Қазақстан Республикасы Төтенше жағдайлар министрлігі.
3. Ең төменгі стандарттарды қолдану саласы: азаматтық қорғау саласындағы ең төменгі стандарттар бюджетті жоспарлау және орындау кезінде пайдаланылатын болады.
