«Зерде» ұлттық инфокоммуникация холдингі» акционерлік қоғамының кейбір мәселелері туралы
Қазақстан Республикасы Үкіметінің 2022 жылғы 5 тамыздағы № 540 Қаулысы
Осы редакция 2022 жылғы 3 қарашада енгізілген өзгерістеріне дейін қолданылды
«Мемлекеттік мүлік туралы» Қазақстан Республикасының Заңы 11-бабының 4) тармақшасына және 181-бабының 1-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. «Зерде» ұлттық инфокоммуникация холдингі» акционерлік қоғамы таратылсын.
2. Қазақстан Республикасы Қаржы министрлігінің Мемлекеттік мүлік және жекешелендіру комитеті:
2-тармақтың 1) тармақшасы тарату комиссиясы акционерлік қоғамдардың акцияларын, сондай-ақ корпоративтік қорға қатысушының құқықтарын бергеннен кейін қолданысқа енгізілді
1) заңнамада белгіленген тәртіппен Қазақстан Республикасының Цифрлық даму, инновациялар және аэроғарыш өнеркәсібі министрлігіне «Ұлттық ақпараттық технологиялар» және «QazInnovations» инновацияларды дамыту жөніндегі ұлттық агенттігі» акционерлік қоғамдары (бұдан әрі – акционерлік қоғамдар) акцияларының пакеттерін иелену және пайдалану құқықтарын, сондай-ақ «Astana Hub» IT-стартаптардың халықаралық технопаркі» корпоративтік қорына (бұдан әрі – корпоративтік қор) қатысушының құқықтарын беруді қамтамасыз етсін;
2) Қазақстан Республикасының Цифрлық даму, инновациялар және аэроғарыш өнеркәсібі министрлігімен бірлесіп осы қаулыдан туындайтын өзге де шараларды қабылдасын.
3. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар (бұдан әрі – өзгерістер мен толықтырулар) бекітілсін.
4. «Зерде» ұлттық инфокоммуникация холдингі» акционерлік қоғамының 2021 – 2030 жылдарға арналған даму стратегиясын бекіту туралы» Қазақстан Республикасы Үкіметінің 2021 жылғы 13 желтоқсандағы № 881 қаулысының күші жойылды деп танылсын.
