Ақтөбе қалалық мәслихатының 2019 жылғы 25 желтоқсандағы № 503 «2020-2022 жылдарға арналған Ақтөбе қаласының бюджетін бекіту туралы» шешіміне өзгерістер енгізу туралы
Ақтөбе облысы Ақтөбе қалалық мәслихатының 2020 жылғы 11 мамырдағы № 553 шешімі
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына және Қазақстан Республикасының 2008 жылғы 4 желтоқсандағы Бюджет кодексінің 106-бабының 4-тармағына сәйкес, Ақтөбе қалалық мәслихаты ШЕШІМ ҚАБЫЛДАДЫ:
1. Ақтөбе қалалық мәслихатының 2019 жылғы 25 желтоқсандағы № 503 «2020-2022 жылдарға арналған Ақтөбе қаласының бюджетін бекіту туралы» (Нормативтік құқықтық актілерді мемлекеттік тіркеу тізілімінде № 6637 санымен тіркелген, 2019 жылғы 31 желтоқсанда электрондық түрде Қазақстан Республикасы нормативтік құқықтық актілерінің эталондық бақылау банкінде жарияланған) шешіміне келесі өзгерістер енгізілсін:
1-тармақта:
1) тармақшадағы:
кірістер: «87 208 776,8» сандары «82 220 342,5» сандарымен ауыстырылсын, оның ішінде:
салықтық түсімдер: «40 203 786,8» сандары «34 896 310,8» сандарымен ауыстырылсын;
трансферттер түсімі: «41 493 647,0» сандары «41 812 688,7» сандарымен ауыстырылсын;
2) тармақшадағы:
шығындар: «88 849 490,7» сандары «106 364 721,3» сандарымен ауыстырылсын;
5) тармақшадағы:
бюджет тапшылығы (профицитi): «- 1 640 713,9» сандары «- 24 144 378,8» сандарымен ауыстырылсын;
6) тармақшадағы:
бюджет тапшылығын қаржыландыру (профицитiн пайдалану): «1 640 713,9» сандары «24 144 378,8» сандарымен ауыстырылсын, оның ішінде:
қарыздар түсімі: «7 000 000,0» сандары «29 503 664,9» сандарымен ауыстырылсын.
2. Көрсетілген шешімнің 1, 4, 5 қосымшалары осы шешімнің 1, 2, 3 қосымшаларына сәйкес жаңа редакцияда жазылсын.
3. «Ақтөбе қалалық мәслихатының аппараты» мемлекеттік мекемесі заңнамада белгіленген тәртіппен:
1) осы шешімді Ақтөбе облысының Әділет департаментінде мемлекеттік тіркеуді;
2) осы шешімді, оны ресми жариялағаннан кейін Ақтөбе қалалық мәслихатының интернет-ресурсында орналастыруды қамтамасыз етсін.
