Қазақстан Республикасы Мемлекеттік шекарасының кейбір учаскелеріндегі автомобиль өткізу пункттерін уақытша жабу туралы
Қазақстан Республикасы Үкіметінің 2020 жылғы 30 наурыздағы № 155 Қаулысы
Осы редакция 2020 жылғы 10 маусымда енгізілген өзгерістеріне дейін қолданылды
«Қазақстан Республикасының Мемлекеттік шекарасы туралы» 2013 жылғы 16 қаңтардағы Қазақстан Республикасының Заңы 55-бабының 7) тармақшасына сәйкес, сондай-ақ әлемде COVID-19 таралуы салдарынан санитариялық-эпидемиологиялық жағдайдың нашарлауына байланысты Қазақстан Республикасының Үкіметі ҚАУЛЫ ЕТЕДІ:
1. Осы қаулыға қосымшаға сәйкес санитариялық-эпидемиологиялық жағдай жақсарғанға дейін Қазақстан Республикасы Мемлекеттік шекарасының кейбір учаскелеріндегі автомобиль өткізу пункттері уақытша жабылсын.
2. Қазақстан Республикасы Сыртқы істер министрлігі енгізілетін шектеулер туралы шекаралас мемлекеттерге дипломатиялық арналар арқылы белгіленген тәртіппен хабарласын.
3. Осы қаулы шекаралас мемлекеттерге хабарлағаннан кейін қолданысқа енгізіледі.
| Қазақстан Республикасының Премьер-Министрі | А. Мамин |
Қазақстан Республикасы
