«Барлық деңгейдегі қала құрылысы жобаларына кешенді қала құрылысы сараптамасын жүргізу қағидаларын бекіту туралы» Қазақстан Республикасы Ұлттық экономика министрінің 2015 жылғы 20 қарашадағы № 706 бұйрығына өзгерістер енгізу туралы
Қазақстан Республикасы Өнеркәсіп және құрылыс министрінің м.а. 2024 жылғы 12 шілдедегі № 264 бұйрығы
БҰЙЫРАМЫН:
1. «Барлық деңгейдегі қала құрылысы жобаларына кешенді қала құрылысы сараптамасын жүргізу қағидаларын бекіту туралы» Қазақстан Республикасы Ұлттық экономика министрінің 2015 жылғы 20 қарашадағы № 706 бұйрығына (Нормативтік құқықтық актілерді мемлекеттік тіркеу тізілімінде № 12414 болып тіркелген) мынадай өзгерістер енгізілсін:
көрсетілген бұйрықпен бекітілген Барлық деңгейдегі қала құрылысы жобаларына кешенді қала құрылысы сараптамасын жүргізу қағидаларында:
1-қосымшаның 1-тармағының 6) тармақшасы мынадай редакцияда жазылсын:
«6) тапсырыс берушінің әзірленген егжей-тегжейлі жоспарлау жобаларын, құрылыс салу жобаларын Әзірлеу қағидаларында айқындалған мемлекеттік қала құрылысы кадастрының автоматтандырылған ақпараттық жүйесін пайдалана отырып, елді мекендердің бас жоспарларымен бекітілген функционалдық аймақтарға сәйкестігіне салыстыру рәсімінен өтуі туралы ақпарат.»;
