«Арнайы экономикалық аймақтың және еркін кедендік аймақ кедендік рәсімінің кейбір мәселелері туралы» Қазақстан Республикасы Қаржы министрінің 2018 жылғы 20 ақпандағы № 247 бұйрығына өзгерістер енгізу туралы
Қазақстан Республикасы Қаржы министрінің м.а. 2020 жылғы 24 маусымдағы № 630 бұйрығы
БҰЙЫРАМЫН:
1. «Арнайы экономикалық аймақтың және еркін кедендік аймақ кедендік рәсімінің кейбір мәселелері туралы» Қазақстан Республикасы Қаржы министрінің 2018 жылғы 20 ақпандағы № 247 бұйрығына (Нормативтік құқықтық актілерді мемлекеттік тіркеу тізілімінде № 16582 болып тіркелген, Қазақстан Республикасы нормативтік құқықтық актілердің эталондық бақылау банкінде 2018 жылғы 27 наурызда жарияланған) мынадай өзгерістер енгізілсін:
Көрсетілген бұйрықтың тақырыбы мынадай редакцияда жазылсын:
«Еркін (арнайы, ерекше) экономикалық аймақтың және еркін кедендік аймақ кедендік рәсімінің кейбір мәселелері туралы»;
1-тармағы мынадай редакцияда жазылсын:
«1. Қоса беріліп отырған:
1) осы бұйрыққа 1-қосымшаға сәйкес, Еркін (арнайы, ерекше) экономикалық аймақтың (бұдан әрі - ЕЭА) аумағын жайластыруға, осындай аумақтың периметрін қоршау және бейнебақылау жүйесімен жарақтандыру жөніндегі талаптарды қоса алғанда қойылатын талаптар;
2) осы бұйрыққа 2-қосымшаға сәйкес, ЕЭА аумағында, осындай аумаққа адамдардың кіруін қоса, бақылау-өткізу режимін қамтамасыз ету қағидасы;
3) осы бұйрыққа 3-қосымшаға сәйкес, ЕЭА аумағына тауарларды әкелу туралы хабарламаны беру және ЕЭА аумағынан тауарларды әкетуге және порттық ЕЭА-ға немесе логистикалық ЕЭА-ға тауарларды әкелуге рұқсаттарды беру қағидасы;
4) осы бұйрыққа 4-қосымшаға сәйкес, ЕЭА аумағына тауарларды әкелу туралы хабарламаның нысаны;
5) осы бұйрыққа 5-қосымшаға сәйкес, ЕЭА аумағынан тауарларды әкетуге рұқсаттың нысаны;
6) осы бұйрыққа 6-қосымшаға сәйкес, порттық ЕЭА-ға немесе логистикалық ЕЭА-ға тауарларды әкелуге рұқсаттың нысаны;
