Қазақстан Республикасы
Ұлттық экономика министрінің
2021 жылғы 11 маусымдағы
№ 59 бұйрыққа
3-қосымша
«Бизнестің жол картасы-2025» бизнесті қолдау мен дамытудың мемлекеттік бағдарламасы шеңберінде жаңа бизнес-идеяларды іске асыруға мемлекеттік гранттар беру»
мемлекеттік қызметін көрсету қағидалары
1-тарау. Жалпы ережелер
1. Осы «Бизнестің жол картасы-2025» бизнесті қолдау мен дамытудың мемлекеттік бағдарламасы шеңберінде жаңа бизнес-идеяларды іске асыруға мемлекеттік гранттар беру» мемлекеттік қызметін көрсету қағидалары (бұдан әрі - Гранттар қағидалары) «Мемлекеттік көрсетілетін қызметтер туралы» Қазақстан Республикасының Заңына (бұдан әрі - Заң) сәйкес әзірленді және «Бизнестің жол картасы-2025» бизнесті қолдау мен дамытудың мемлекеттік бағдарламасы шеңберінде жаңа бизнес-идеяларды іске асыруға мемлекеттік гранттар беру» мемлекеттік қызметін көрсету тәртібін айқындайды (бұдан әрі - мемлекеттік көрсетілетін қызмет).
2. Облыстардың, Нұр-Сұлтан, Алматы және Шымкент қалаларының жергілікті атқарушы органдары (бұдан әрі - көрсетілетін қызметті беруші) Гранттар қағидаларына сәйкес мемлекеттік қызметті жеке және заңды тұлғаларға (бұдан әрі - көрсетілетін қызметті алушы) тегін негізде көрсетеді.
2-тарау. Мемлекеттік қызметті көрсету тәртібі
3. Мемлекеттік қызметті көрсету үшін көрсетілетін қызметті беруші:
1) осы Гранттар қағидаларына 1-қосымшаға сәйкес «Бизнестің жол картасы-2025» бизнесті қолдау мен дамытудың мемлекеттік бағдарламасы шеңберінде жаңа бизнес-идеяларды іске асыруға мемлекеттік гранттар беруге конкурс өткізу туралы хабарландыруды облыстық өңірлік апталық баспа басылымында жариялауды;
2) өтінімдерді қабылдау кезеңін субсидиялаудың ақпараттық жүйесінде тіркеуді жүзеге асырады.
