«Ағаш кесу билеті мен орман билетінің нысандарын, оларды есепке алу, сақтау, толтыру және беру қағидаларын бекіту туралы» Қазақстан Республикасы Ауыл шаруашылығы министрінің 2015 жылғы 26 қаңтардағы № 18-02/40 бұйрығына өзгерістер енгізу туралы
Қазақстан Республикасы Экология және табиғи ресурстар министрінің 2025 жылғы 17 қарашадағы № 312 бұйрығы
БҰЙЫРАМЫН:
1. «Ағаш кесу билеті мен орман билетінің нысандарын, оларды есепке алу, сақтау, толтыру және беру қағидаларын бекіту туралы» Қазақстан Республикасы Ауыл шаруашылығы министрінің 2015 жылғы 26 қаңтардағы № 18-02/40 бұйрығына (Нормативтік құқықтық актілерді мемлекеттік тіркеу тізілімінде № 10676 болып тіркелген) мынадай өзгерістер енгізілсін:
1-қосымшасы осы бұйрыққа 1-қосымшаға сәйкес редакцияда жазылсын.
көрсетілген бұйрықпен бекітілген Ағаш кесу билеті мен орман билетін есепке алу, сақтау, толтыру және беру қағидаларында:
13-1-тармақ мынадай редакцияда жазылсын:
«13-1. «Ағаш кесу және орман билетін беру» мемлекеттік көрсетілетін қызметті (бұдан әрі - мемлекеттік көрсетілетін қызмет) алу үшін жеке және заңды тұлғалар (бұдан әрі - көрсетілетін қызметті алушылар) мемлекеттік орман иеленушілерге (бұдан әрі - көрсетілетін қызметті беруші) осы Қағидаларға 4-қосымшаға сәйкес нысан бойынша орман билетін алу үшін көрсетілетін қызметті берушінің кеңсесіне не www.egov.kz «электрондық үкімет» веб-порталы (бұдан әрі - веб-портал) және ағаш кесу билетін алу үшін «Табиғи ресурстардың интерактивті картасы tabigat.gov.kz» ақпараттық жүйесі» веб-порталы (бұдан әрі - tabigat порталы) арқылы өтініш береді.
Мемлекеттік қызмет көрсетуге қойылатын негізгі талаптардың тізбесі осы Қағидаларға 5-қосымшада келтірілген.
Өтініш көрсетілетін қызметті берушінің кеңсесі арқылы берілген кезде оның көшірмесінде күні мен көрсетілетін қызметті берушінің кеңсесі қызметкерінің тегін көрсете отырып қабылданғаны туралы белгі қойылады.
