Ерiктi түрде және мәжбүрлеп таратылатын банктер, қызметі ерікті түрде және мәжбүрлеп тоқтатылатын Қазақстан Республикасының бейрезидент банктерінің филиалдары тарату комиссияларының есептерді және қосымша ақпаратты беру нысанын, мерзiмдерi мен кезеңдiлiгiн бекіту туралы
Қазақстан Республикасы Қаржы нарығын реттеу және дамыту агенттігі Басқармасының 2026 жылғы 1 сәуірдегі № 47 Қаулысы
«Қазақстан Республикасындағы банктер және банк қызметі туралы» Қазақстан Республикасы Заңының 115-бабы 1-тармағының 1) тармақшасына және 130-бабына, «Мемлекеттік статистика туралы» Қазақстан Республикасының Заңы 16-бабының 3-тармағының 2) тармақшасына сәйкес Қазақстан Республикасы Қаржы нарығын реттеу және дамыту агенттігінің Басқармасы ҚАУЛЫ ЕТЕДІ:
1. Ерiктi түрде және мәжбүрлеп таратылатын банктер (бұдан әрі - таратылатын банк), қызметін ерікті түрде және мәжбүрлеп тоқтататын Қазақстан Республикасының бейрезидент банктерінің филиалдары (бұдан әрі - қызметі тоқтатылатын Қазақстан Республикасының бейрезидент банкінің филиалы) тарату комиссияларының есептерді және қосымша ақпаратты беруінің мынадай нысандары, мерзімдері мен кезеңділігі бекітілсін:
1) осы қаулыға 1-қосымшаға сәйкес таратылатын банк активтерінің жай-күйі туралы есептің нысаны;
2) осы қаулыға 2-қосымшаға сәйкес таратылатын банк міндеттемелерінің жай-күйі туралы есептің нысаны;
3) осы қаулыға 3-қосымшаға сәйкес қызметі тоқтатылатын Қазақстан Республикасының бейрезиденті банкі филиалының активтері мен міндеттемелері туралы есептің нысаны;
4) осы қаулыға 4-қосымшаға сәйкес таратылатын банктің, қызметі тоқтатылатын Қазақстан Республикасының бейрезиденті банкі филиалының касса және ағымдағы шоттар бойынша қалдықтар мен ақша қозғалысы туралы есептің нысаны;
5) осы қаулыға 5-қосымшаға сәйкес таратылатын банктің, қызметі тоқтатылатын Қазақстан Республикасының бейрезидент банкі филиалының дебиторлық берешегінің жай-күйі туралы есептің нысаны;
