Мемлекеттік қаржының жай-күйі туралы мәліметтерді мониторингтеу және қалыптастыру қағидаларын бекіту туралы
Қазақстан Республикасы Қаржы министрінің 2025 жылғы 31 мамырдағы № 278 бұйрығы
Қазақстан Республикасы Бюджет кодексінің 47-бабының 3-тармағына сәйкес БҰЙЫРАМЫН:
1. Қоса беріліп отырған Мемлекеттік қаржының жай-күйі туралы мәліметтерді мониторингтеу және қалыптастыру қағидалары бекітілсін.
2. Қазақстан Республикасы Қаржы министрлігінің Бюджет заңнамасы департаменті Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасы Әділет министрлiгiнде мемлекеттiк тiркелуін;
2) осы бұйрықтың ресми жарияланғаннан кейін Қазақстан Республикасы Қаржы министрлігінің интернет-ресурсында орналастырылуын;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтердің Қазақстан Республикасы Қаржы министрлігінің Заң қызметі департаментіне ұсынылуын қамтамасыз етсін.
3. Осы бұйрық 2026 жылғы 1 шілдеден бастап қолданысқа енгізіледі және ресми жариялануға жатады.
| Қазақстан Республикасының Қаржы министрі | М. Такиев |
«КЕЛІСІЛДІ»
Қазақстан Республикасы
Ұлттық экономика министрлігі
Қазақстан Республикасының
Қаржы министрі
2025 жылғы 31 мамырдағы
№ 278 бұйрығына
бекітілген
Мемлекеттік қаржының жай-күйі туралы мәліметтерді мониторингтеу және қалыптастыру
қағидалары
1-тарау. Жалпы ережелер
1. Осы Мемлекеттік қаржының жай-күйі туралы мәліметтерді мониторингтеу және қалыптастыру қағидалары (бұдан әрі - Қағидалар) Қазақстан Республикасы Бюджет кодексінің (бұдан әрі - Бюджет кодексі) 47-бабы 3-тармағына сәйкес әзірленді және мемлекеттік қаржының жай-күйі туралы мәліметтерді мониторингтеу және қалыптастыру тәртібін айқындайды.
2. Осы Қағидаларды әзірлеудің мақсаты мемлекеттік қаржыны тиімді басқару үшін ақпараттық базаны қалыптастыру болып табылады.
