Нұр-Сұлтан қаласының Құрмет грамотасымен наградтау туралы ережені бекіту туралы
Нұр-Сұлтан қаласы мәслихатының 2021 жылғы 24 қарашадағы № 110/15-VII шешімі
Осы редакция 2023 жылғы 30 маусымда енгізілген өзгерістеріне дейін қолданылды
«Қазақстан Республикасындағы жергiлiктi мемлекеттiк басқару және өзiн-өзi басқару туралы» Қазақстан Республикасы Заңы 6-бабы 1-тармағының 12-3) тармақшасына, «Қазақстан Республикасы астанасының мәртебесі туралы» Қазақстан Республикасы Заңының 4-бабы 2-тармағына сәйкес Нұр-Сұлтан қаласының мәслихаты ШЕШТІ:
1. Қоса беріліп отырған Нұр-Сұлтан қаласының Құрмет грамотасымен наградтау туралы ереже бекітілсін.
2. Осы шешім алғаш ресми жарияланғаннан кейiн күнтiзбелiк он күн өткен соң қолданысқа енгізіледі.
| Нұр-Сұлтан қаласы мәслихатның хатшысы | Е. Каналимов |
Нұр-Сұлтан қаласы мәслихатының
2021 жылғы 24 қарашадағы
№ 110/15-VII шешіміне
қосымша
Нұр-Сұлтан қаласының Құрмет грамотасымен наградтау туралы
ереже
1. Осы Ереже Нұр-Сұлтан қаласының Құрмет грамотасымен наградтау туралы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабы 1-тармағының 12-3) тармақшасына, «Қазақстан Республикасы астанасының мәртебесі туралы» Қазақстан Республикасы Заңының 4-бабының 2-тармағына сәйкес әзірленді және Нұр-Сұлтан қаласының Құрмет грамотасымен (бұдан әрі – Құрмет грамотасы) наградтау тәртібін регламенттейді.
2. Құрмет грамотасы маңызды моральдық ынталандырудың бірі, қоғам мен мемлекет алдындағы қызметтік және азаматтық борышын лайықты орындағаны үшін қоғамдық танудың көрінісі болып табылады.
3. Құрмет грамотасымен қоғам мен Нұр-Сұлтан қаласы алдындағы қызметтік және азаматтық борышын лайықты орындағаны үшін Қазақстан Республикасының азаматтары, шетелдік азаматтар және азаматтығы жоқ адамдар марапатталады.
