ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 21 қазандағы № 17 бұйрығымен күші жойылды
Қазақстан Республикасы
Мемлекеттік қызмет істері министрінің
2016 жылғы 19 мамырдағы
№ 103 бұйрығына 2-қосымша
Сыбайлас жемқорлыққа қарсы қызмет қызметкерлеріне көтермелеулер қолдану
қағидалары
1. Осы Сыбайлас жемқорлыққа қарсы қызмет қызметкерлеріне көтермелеулер қолдану туралы қағидалар (бұдан әрі - Қағидалар) «Құқық қорғау қызметі туралы» Қазақстан Республикасы Заңының (бұдан әрі - Заң) 55-бабына сәйкес әзірленген және Сыбайлас жемқорлыққа қарсы қызмет қызметкерлеріне (бұдан әрі - қызметкерлер) көтермелеулер қолдану тәртібін айқындайды.
2. Қызметкерлерге міндеттерін үлгілі атқарғаны және қызметтік іс-әрекетінде жоғары нәтижелерге кол жеткізгені үшін Заңның 55-бабымен көзделген көтермелеулерді қоспағанда, Қазақстан Республикасы Мемлекеттік қызмет істері министрлігі Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызметі) Төрағасы (бұдан әрі ұлттық бюросының Төрағасы) көтермелеулердің мынадай түрлерін қолданады:
