Осы редакция 2019 жылғы 19 наурызда енгізілген өзгерістеріне дейін қолданылды
Қазақстан Республикасы
Ұлттық экономика министрінің
2015 жылғы 20 мамырдағы
№ 396 бұйрығына 1-қосымша
ҚР Ұлттық экономика министрінің 2017.20.06. № 247 бұйрығымен тақырыбы жаңа редакцияда (бұр.ред.қара)
«Жекелеген тауар түрлерінің импортына және (немесе) экспортына лицензия беру»
мемлекеттiк көрсетілетін регламенті
(2017.20.06. берілген өзгерістермен)
1. Жалпы ережелер
ҚР Ұлттық экономика министрінің 2016.26.02. № 107 бұйрығымен 1-тармақ өзгертілді (бұр.ред.қара); ҚР Ұлттық экономика министрінің 2017.20.06. № 247 бұйрығымен 1-тармақ жаңа редакцияда (бұр.ред.қара)
1. Мемлекеттік қызметті Қазақстан Республикасының Ұлттық экономика министрлігі (бұдан әрі - көрсетілетін қызметті беруші) Қазақстан Республикасы Ұлттық экономика министрінің 2015 жылғы 21 сәуірдегі № 347 бұйрығымен бекітілген, (Нормативтік құқықтық актілерді мемлекеттік тіркеу тізілімінде № 11079 болып тіркелген) «Жекелеген тауар түрлерінің импортына және (немесе) экспортына лицензия беру» мемлекеттiк көрсетілетін қызмет стандартына сәйкес (бұдан әрі - Стандарт) көрсетеді.
Өтініштерді қабылдау және мемлекеттік көрсетілетін қызмет нәтижелерін беру:
1) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация);
2) www.еliсеnse.kz «Е-лицензиялау» веб-порталы немесе www.e.gov.kz «электрондық үкімет» веб-порталы (бұдан әрі - портал) арқылы жүзеге асырылады.
2. Мемлекеттік қызметті көрсету нысаны: электрондық (ішінара автоматтандырылған) және (немесе) қағаз түрінде.
3. Мемлекеттік қызмет көрсету нәтижесі - көрсетілетін қызметті берушінің уәкілетті лауазымды адамының электрондық цифрлық қолтаңбасымен (бұдан әрі - ЭЦҚ) куәландырылған электрондық құжат нысанындағы тауарлардың жекелеген түрлерiн импортына және (немесе) экспортына лицензия беру не мемлекеттік қызмет көрсетуден бас тарту туралы дәлелді жауап.
