Қазақстан Республикасы Денсаулық сақтау министрлігінің ведомстволарын қайта ұйымдастыру туралы
Қазақстан Республикасы Үкіметінің 2026 жылғы 3 тамыздағы № 695 Қаулысы
Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасының заңнамасында белгіленген тәртіппен:
1) «Қазақстан Республикасы Денсаулық сақтау министрлігінің Медициналық және фармацевтикалық бақылау комитеті» республикалық мемлекеттік мекемесі оны «Қазақстан Республикасы Денсаулық сақтау министрлігінің Медициналық бақылау комитеті» республикалық мемлекеттік мекемесіне және «Қазақстан Республикасы Денсаулық сақтау министрлігінің Фармация комитеті» республикалық мемлекеттік мекемесіне бөлу жолымен;
2) осы қаулыға қосымшаға сәйкес Қазақстан Республикасы Денсаулық сақтау министрлігі Медициналық және фармацевтикалық бақылау комитетінің аумақтық бөлімшелері - республикалық мемлекеттік мекемелер Қазақстан Республикасы Денсаулық сақтау министрлігінің Медициналық бақылау комитетінің аумақтық бөлімшелері - республикалық мемлекеттік мекемелерге және Қазақстан Республикасы Денсаулық сақтау министрлігінің Фармация комитетінің аумақтық бөлімшелері - республикалық мемлекеттік мекемелерге бөлу жолымен қайта ұйымдастырылсын.
2. «Қазақстан Республикасы Денсаулық сақтау және Ұлттық экономика министрлiктерінің кейбiр мәселелерi туралы» Қазақстан Республикасы Үкіметінің 2017 жылғы 17 ақпандағы № 71 қаулысына мынадай өзгерістер мен толықтыру енгізілсін:
көрсетілген қаулымен бекітілген Қазақстан Республикасының Денсаулық сақтау министрлігі туралы ережеде:
2-тармақ мынадай редакцияда жазылсын:
«2. Министрліктің мынадай ведомстволары бар:
Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті;
Қазақстан Республикасы Денсаулық сақтау министрлігінің Медициналық бақылау комитеті;
Қазақстан Республикасы Денсаулық сақтау министрлігінің Фармация комитеті.»;
«Министрліктің қарамағындағы ұйымдардың тізбесі» деген бөлімде:
