2023-2025 жылдарға арналған аудандық бюджет туралы
Ақмола облысы Есіл аудандық мәслихатының 2022 жылғы 22 желтоқсандағы № 34/2 шешімі
(2023.14.04. берілген өзгерістермен)
Осы редакция 2023 жылғы 7 тамызда енгізілген өзгерістеріне дейін қолданылды
Қазақстан Республикасының Бюджет кодексінің 9 бабының 2 тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына сәйкес, Есіл аудандық мәслихаты ШЕШТІ:
Ақмола облысы Есіл аудандық мәслихатының 2023.14.04. № 8С-2/2 шешімімен 1-тармақ жаңа редакцияда (2023 ж. 1 қаңтардан бастап қолданысқа енгізілді) (бұр.ред.қара)
1. 2023-2025 жылдарға арналған аудандық бюджет тиісінше 1, 2 және 3 қосымшаларға сәйкес, оның ішінде 2023 жылға келесі көлемдерде бекітілсін:
1) кірістер - 4095215 мың теңге, оның ішінде:
салықтық түсімдер - 966909 мың теңге;
салықтық емес түсімдер - 10234 мың теңге;
негізгі капиталды сатудан түсетін түсімдер - 8528 мың теңге;
трансферттер түсімі - 3109544 мың теңге;
2) шығындар - 4333939,3 мың теңге;
3) таза бюджеттік кредиттеу - (- 407810) мың теңге, оның ішінде:
бюджеттiк кредиттер - 5175 мың теңге;
бюджеттік кредиттерді өтеу - 412985 мың теңге;
4) қаржы активтерімен операциялар бойынша сальдо - 0 мың теңге, оның ішінде:
қаржы активтерін сатып алу - 0 мың теңге;
5) бюджет тапшылығы (профициті) - 169085,7 мың теңге;
6) бюджет тапшылығын қаржыландыру (профицитін пайдалану) - (- 169085,7) мың теңге.
2. Аудандық бюджетке әлеуметтік салықты бөлу нормативі 100 пайыз мөлшерінде ескерілсін.
3. 2023 жылға арналған аудандық бюджетте, облыстық бюджеттен 554077 мың теңге сомасында субвенция көзделгені ескерілсін.
4. 2023 жылға арналған аудандық бюджетте, Красногорский кентінің, ауылдардың және ауылдық округтердің бюджеттеріне аудандық бюджеттен берілетін субвенциялар көлемдері 260881 мың теңге сомасында көзделгені ескерілсін, оның ішінде:
Ақсай ауылына - 19168 мың теңге;
Бұзылық ауылдық округіне - 22365 мың теңге;
Двуречный ауылдық округіне - 13116 мың теңге;
Жаныспай ауылдық округіне - 18117 мың теңге;
Заречный ауылдық округіне - 17809 мың теңге;
