Дүниежүзілік сауда ұйымына қосылу шарты ретінде қабылданған міндеттемелерге сәйкес Қазақстан Республикасы Еуразиялық экономикалық одақтың Бірыңғай кедендік тарифі баждарының мөлшерлемелерімен салыстырғанда неғұрлым төмен кедендік әкелу баждарының мөлшерлемелерін қолданатын тауарлардың және осындай баждар мөлшерлемелері мөлшерінің тізбесі туралы
Еуразиялық экономикалық комиссия Кеңесінің 2015 жылғы 14 қазандағы № 59 шешімі
Еуразиялық экономикалық одақтың көпжақты сауда жүйесі шеңберінде жұмыс істеуі туралы хаттамаға (2014 жылғы 29 мамырдағы Еуразиялық экономикалық одақ туралы шартқа № 31 қосымша) сәйкес қолданылатын 2011 жылғы 19 мамырдағы Көпжақты сауда жүйесі шеңберінде Кеден одағының жұмыс істеуі туралы шарттың 1-бабының 3-тармағына және 2-бабына сәйкес және 1994 жылғы 15 сәуірдегі Дүниежүзілік сауда ұйымын құру туралы Марракеш келісіміне Қазақстан Республикасының қосылуы туралы 2015 жылғы 27 шілдедегі хаттаманың 3-тармағын ескере отырып, Еуразиялық экономикалық комиссияның Кеңесі шешті:
1. Қоса беріліп отырған Дүниежүзілік сауда ұйымына қосылу шарты ретінде қабылданған міндеттемелерге сәйкес Қазақстан Республикасы Еуразиялық экономикалық одақтың Бірыңғай кедендік тарифі баждарының мөлшерлемелерімен салыстырғанда неғұрлым төмен кедендік әкелу баждарының мөлшерлемелерін қолданатын тауарлардың және осындай баждар мөлшерлемелері мөлшерінің тізбесі бекітілсін.
2. Мыналардың күші жойылды деп танылсын:
Еуразиялық экономикалық комиссия Кеңесінің «Тауарлардың жекелеген санаттарына қатысты Қазақстан Республикасының Кеден одағының Бірыңғай кедендік тарифінің мөлшерлемелерінен өзгеше кедендік әкелу баждарының мөлшерлемелерін қолдануы туралы» 2012 жылғы 16 шілдедегі № 55 шешімі;
