«Базалық қаржыландыру субъектілері болып табылатын ұйымдардың тізбесін бекіту туралы» Қазақстан Республикасы Ғылым және жоғары білім министрінің 2023 жылғы 6 наурыздағы № 94 бұйрығына өзгеріс енгізу туралы
Қазақстан Республикасы Ғылым және жоғары білім министрінің 2024 жылғы 18 маусымдағы № 303 бұйрығы
«Құқықтық актілер туралы» Қазақстан Республикасы Заңының 65-бабының 3-тармағына және Қазақстан Республикасы Ғылым және жоғары білім министрінің 2023 жылғы 6 қарашадағы № 563 бұйрығымен бекітілген Ғылыми және (немесе) ғылыми-техникалық қызметті базалық және бағдарламалық-нысаналы қаржыландыру, ғылыми және (немесе) ғылыми-техникалық қызмет пен ғылыми және (немесе) ғылыми-техникалық қызметтің нәтижелерін коммерцияландыру гранттық қаржыландыру, іргелі ғылыми зерттеулерді жүзеге асыратын ғылыми ұйымдарды қаржыландыру қағидаларының 6-тармағына сәйкес БҰЙЫРАМЫН:
1. «Базалық қаржыландыру субъектілері болып табылатын ұйымдардың тізбесін бекіту туралы» Қазақстан Республикасы Ғылым және жоғары білім министрінің 2023 жылғы 6 наурыздағы № 94 бұйрығына мынадай өзгеріс енгізілсін:
көрсетілген бұйрықпен бекітілген Базалық қаржыландыру субъектілері болып табылатын ұйымдардың тізбесі осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Ғылым және жоғары білім министрлігінің Ғылым комитеті осы бұйрықты салалық уәкілетті мемлекеттік органдардың назарына жеткізсін және Қазақстан Республикасы Ғылым және жоғары білім министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ғылым және жоғары білім вице-министріне жүктелсін.
4. Осы бұйрық қол қойылған күнінен бастап күшіне енеді.
Согласовано
06.06.2024 18:35 Шаймаганбетов Еркин Нурабаевич
07.06.2024 09:04 Берегенова Айгуль Кужабергеновна
07.06.2024 17:01 Жанкуатов Галимжан Жандосулы
07.06.2024 18:10 Махмұтұлы Олжас
07.06.2024 18:27 Зейнулла Айдын Зейнуллаулы
07.06.2024 18:48 Ахмед-Заки Дархан Жумаканович
08.06.2024 12:10 Алигожин Бекет Кабиденович
