Алапеспен ауыратындарға көмекті және Қазақстан Республикасында алапеске қарсы күресті ұйымдастыру туралы
Қазақстан Республикасының Денсаулық сақтау істері жөніндегі агенттігі 2000 жылғы 3 қарашадағы № 689 Бұйрығы
ҚР Денсаулық сақтау министрінің 2010 жылғы 29 сәуірдегі № 311 бұйрығымен күші жойылды
«Қазақстан Республикасында азаматтардың денсаулығын сақтау туралы» Қазақстан Республикасының 19.05.97 ж. Заңының 17-бабын, «Айналадағылар үшін қауіп туғызатын әлеуметтік елеулі аурулардың тізбесін бекіту туралы» Қазақстан Республикасы Үкіметінің 2000 жылғы 30 наурыздағы № 468 қаулысын орындау мақсатында Бұйырамын:
1. Қоса беріліп отырған:
1) Алапеске қарсы күрес жөніндегі нұсқаулық;
2) Лепрозорий ұйымдастыру туралы ережелер бекітілсін.
2. Бұл бұйрық Қазақстан Республикасының Әділет Министрлігінде мемлекеттік тіркеуден өткен күннен бастап күшіне енеді.
3. Осы бұйрықтың орындалуын бақылауды өзіме қалдырамын.
Төраға міндетін атқарушы
Қазақстан Республикасының
Денсаулық сақтау iсi жөніндегі
агенттiгiнiң
2000 жылғы 3 қараша № 689
бұйрығымен бекітілген
Алапеске қарсы күрес жөніндегі нұсқаулық
1. Жалпы ережелер
1. Алапеске қарсы күрес жөніндегі iс-шаралардың орындалуына басшылықты Қазақстан Республикасының Денсаулық сақтау iсi жөніндегі агенттiгi жүзеге асырады.
2. Алапеске қарсы күрес жөніндегі ғылыми зерттеу және әдiстемелiк орталық Терi-венералогиялық ғылыми-зерттеу институты болып табылады.
3. Алапес бойынша емдеу және алдын алу жұмыстарын жүргiзу Қазақ республикалық лепрозорийiне және республиканың дерматовенерологиялық ұйымдарына жүктеледi.
