«Қазақстан Республикасында жалпыға бірдей құқықтық оқуды
ұйымдастыру жөніндегі шаралар туралы »
Қазақстан Республикасы Президентінің
1995 жылғы 21 маусымдағы № 2347 қаулысы
ҚР Президентінің 2009 жылғы 18 маусымдағы № 829 Жарлығымен күші жойылды
Халықтың құқықтық мәдениетi мен құқықтық хабардарлығын арттыру, экономикалық бағдарламаларды құқықтық қамтамасыз етудiң тиiмдiлiгiн көтеру әрi заңдылықты, құқықтық тәртiптi, реттiлiктi нығайту мақсатында және Қазақстан Республикасы Президентінің 1993 жылғы 12 ақпандағы № 1569 қаулысымен бекітілген Қазақстан Республикасындағы Құқықтық реформаның мемлекеттік бағдарламасын (негiзгi бағыттар) орындау үшiн қаулы етемiн:
1. Қоса берiлiп отырған Қазақстан Республикасындағы жалпыға бірдей құқықтық оқу туралы ереже, Қазақстан Республикасының Қарулы Күштеріндегі әскери қызметшiлер мен азаматтық қызметкерлердiң жалпыға бірдей құқықтық оқуын ұйымдастыру туралы ереже, Атқарушы өкiмет органдары мен олардың қарамағындағы кәсiпорындардың, мекемелердiң басшы кадрлары мен мамандарын құқықтық аттестациялау туралы ереже және Қазақстан Республикасында оқушы жастарды құқықтық оқыту тұжырымдамасы бекітілсiн.
2. Жалпыға бірдей құқықтық оқуды ұйымдастыруға жалпы басшылық пен бақылау жасау Қазақстан Республикасының Министрлер Кабинетi мен жергiлiктi әкiмдерге жүктелсiн.
3. Жалпыға бірдей құқықтық оқуға әдiстемелiк басшылық жасау Қазақстан Республикасының Әдiлет министрлігіне жүктелсiн.
Қазақстан Республикасының Әдiлет министрлігі:
мемлекеттік органдардың, ғылыми мекемелердiң үлгiлiк оқу бағдарламаларын, оқулықтар, оқу-көрнекi және әдiстемелiк құралдар дайындау жөніндегі жұмыстың үйлестiрiлуiн жүзеге асырады;
