Бухгалтерлiк есепке алу стандарттарын бекіту туралы Қазақстан
Республикасы Бухгалтерлiк есеп жөніндегі ұлттық комиссиясының
1996 ж. 14 қарашадағы № 4 қаулысы
(ҚР Қаржы министрінің 30.11.02 ж. № 593 бұйрығымен
енгізілген өзгерістерімен)
ҚР Қаржы министрінің 2007 жылғы 21 маусымдағы № 217 бұйрығымен күші жойылды
Қазақстан Республикасы Президентінің "Бухгалтерлiк есепке алу туралы" 1995 жылғы 26 желтоқсандағы № 2732 Заң күшi бар Жарлығына сәйкес, Қазақстан Республикасының Бухгалтерлiк есеп жөніндегі ұлттық комиссиясы қаулы етедi:
1. Ұсынылып отырған Қазақстан Республикасының субъектiлерi үшiн (бюджеттік ұйымдардан басқа) бухгалтерлiк есепке алу стандарттары (БЕС) бекітілсiн (Қазақстан Республикасы Президентінің "Бухгалтерлiк есепке алу туралы" 1995 жылғы 26 желтоқсандағы № 2732 Заң күшi бар Жарлығы 1-бабының 1-тармағына сәйкес):
БЕС 13 "Бiрiктiрiлген қаржылық есептiлiк және еншiлес ұйымдарға салынған инвестицияларды есепке алу";
БЕС 14 "Бағынышты шаруашылық серiктестiкке салынған инвестицияларды есепке алу";
БЕС 15 "Қаржылық есептiлiкте бiрлескен қызмет бойынша қатысу үлесiн көрсету".
II. Былайша белгiленсiн:
1. Бұл стандартты Қазақстан Республикасы Президентінің "бухгалтерлiк есепке алу туралы" 1995 жылғы 26 желтоқсандағы № 2732 Заң күшi бар Жарлығы 1-бабының 1-тармағында анықталған Қазақстан Республикасының барлық субъектiлерi 1998 жылға қаржылық есептiлiктi жасаған кезде пайдалануға мiндеттi.
2. БЕС-тарын субъектiлер есептердi бiрiктiрген кезде, бағынышты ұйымға салынған инвестицияларды, бiрлескен қызметтегi қатысу үлесiн көрсеткен кезде 1997 жылғы 1 қаңтардан бастап қолдануына болады.
III. Қазақстан Республикасы Бухгалтерлiк есепке алу жөніндегі ұлттық комиссиясының мүшесi Л.Ж. Айтхожина бекітілген бухгалтерлiк есепке алу стандарттарын 1996 жылғы 20 қарашаға дейiн Қазақстан Республикасының Әдiлет министрлігінде тiркетудi қамтамасыз етсiн.
