Қазақстан Республикасы Президентінің Қазақстан Республикасы
орта білім беру жүйесiн ақпараттандыру жөніндегі мемлекеттік
бағдарламасы туралы Қазақстан Республикасы Президентінің 1997
жылғы 22 қыркүйектегi № 3645 өкімі
(ҚР Президентінің 25.07.02 ж. № 331 Өкімімен енгізілген өзгерістерімен)
ҚР Президентінің 2009 жылғы 18 маусымдағы № 829 Жарлығымен күші жойылды
Қазақстан Республикасы Конституциясының 44-бабына сәйкес және Қазақстан Республикасының орта білім беру жүйесiн дамыту мақсатында қаулы етемiн:
1. Қазақстан Республикасы Президентінің Қазақстан Республикасы орта білім беру жүйесiн ақпараттандыру жөніндегі мемлекеттік бағдарламасы бекітілсiн (қоса берiлiп отыр).
2. Қазақстан Республикасының Үкіметі бiр ай мерзiмде Мемлекеттік бағдарламаны жүзеге асыру жөніндегі iс-шараларын әзiрлейтiн болсын.
Қазақстан Республикасының
ҚАЗАҚСТАН РЕСПУБЛИКАСЫ ПРЕЗИДЕНТІНІҢ ҚАЗАҚСТАН РЕСПУБЛИКАСЫ ОРТА
БІЛІМ БЕРУ ЖҮЙЕСІН АҚПАРАТТАНДЫРУ ЖӨНІНДЕГІ МЕМЛЕКЕТТІК БАҒДАРЛАМАСЫ
КIРIСПЕ
Қазақстандағы жаңа қоғамдық-саяси және әлеуметтiк-экономикалық жағдайлар білім беру саласында түбегейлi жаңа жағдайлар туғызып отыр. Орта білім жүйесiнде демократиялық мемлекет пен нарықтық экономика талаптарына сай келетiн түбiрлi өзгерістер қажет етiледi.
Қазақстан Республикасы, дүние жүзіндегі дамыған елдер тәрiздi, бiрыңғай ақпараттық білім беру желiсiне негiзделген бiртұтас ақпараттық-білім беру кеңiстiгiн қалыптастыру - орта білім беру жүйесiн ақпараттандыру жолына бет бұруы тиiс.
1. Негiзгi проблемалар, мақсаттар мен мiндеттер
Орта білім беру жүйесiн ақпараттандыру бағдарламасы орта білім беру жүйесiн дамытудың Мемлекеттік Тұжырымдамасына негiзделген және мынадай негiзгi проблемаларды шешуге бағытталған:
- қоғамның қоғамдық талаптарына сай білім берудi дамытудың жалпы мемлекеттік стратегиясын әзiрлеу және жүзеге асыру;
- отандық білім беру жүйесiн бiрыңғай дүниежүзiлiк ақпараттық-білім беру кеңiстiгiмен бiрiктiру;
- орта білім беру жүйесiн ақпараттандыруға бағытталған практикалық шаралар кешенiн айқындау және жүзеге асыру.
