Қазақстан Республикасының Yкіметі мен Өзбекстан Республикасы Yкіметінiң
арасындағы жолаушыларды, жүктер мен багажды транзиттiк тасымалдау,
Өзбекстан Республикасы мен Қазақстан Республикасының автомобиль және
темір жол магистральдары арқылы жүруi барысында олардың сақталуы мен
қауiпсiздiгiн қамтамасыз ету туралы келісім
(Ташкент қ. 1998 ж. 27 наурыз)
Келісім Қазақстан Республикасының 1998 жылғы 8 мамырдағы № 225-1 Заңына сәйкес бекітілді
Келісім 1998 ж. 1 маусымында күшіне енді
Осы Келісімнің күшін жою туралы Қазақстан Республикасы Заңының жобасы ҚР Үкіметінің 2003 ж. 8 мамырдағы № 434 қаулысына сәйкес ҚР Парламентi Мәжілісiнің қарауына енгiзiлді
Қазақстан Республикасының Үкіметі мен Өзбекстан Республикасының Yкіметі бұдан былай "Тараптар" деп аталады,
Өзбекстан Республикасы мен Қазақстан Республикасының арасындағы 1992 жылғы 24 маусымда қол қойылған достық, ынтымақтастық және өзара көмек көрсету туралы Шарттың, 1994 жылғы 10 қаңтардағы Қазақстан Республикасы мен Өзбекстан Республикасының арасындағы Бiрыңғай экономикалық кеңістікті құру туралы Шарттың қағидаларын, сондай-ақ Тәуелсiз мемлекеттердің Достастығының негізгі құжаттарын басшылыққа ала отырып,
тең құқылы және өзара тиімді екiжақты қолайлы сауда-экономикалық қатынастарды қамтамасыз етудің маңыздылығын мойындай отырып, автомобиль және темір жол магистральдарының технологиялық бiртұтастығын қамтамасыз етудi мақсат қойып,
халықаралық автомобиль және темір жолкөлiгiн дамыту саласында, сондай-ақ Тараптардың кедендiк iстерінде біртұтаc және келiсілген саясатын жүргiзуге мән бере отырып,
экономикалық егемендiктi қорғауды көздей отырып,
транзит еркіндiгiнің принциптерiне өз ұмтылушылығын білдіре отырып,
төмендегiлер туралы келiстi:
1-бап
ТМД елдерiн қоспағанда, екi Тарап мемлекеттерінің аумағы арқылы жүктердің транзит тасымалдары тасымалдаушыларда Карнет-ТIR немесе CMR болған жағдайда Тараптардың құзырлы органдарымен берiлетiн рұқсаттар негiзінде Тараптардың автокөлiк құралдарымен жүзеге асырылады.
