"Халық денсаулығы" Мемлекеттік бағдарламасы туралы Қазақстан
Республикасы Президентінің 1998 жылғы 16 қарашадағы № 4153 Жарлығы
(ҚР Президентінің 15.01.03 ж. № 1016 Жарлығымен енгізілген өзгерістерімен)
ҚР Президентінің 2005.16.05. № 1573 Жарлығымен күші жойылды
Қазақстан Республикасы Конституциясының 44-бабының 8)-тармақшасына сәйкес, Қазақстан Республикасы азаматтарының денсаулық жағдайын жақсарту және олардың денсаулығын сақтауға деген конституциялық құқығын іске асыру мақсатында ҚАУЛЫ ЕТЕМІН:
1. Қоса беріліп отырған "Халық денсаулығы" Мемлекеттік бағдарламасы бекітілсін (бұдан әрі - Мемлекеттік бағдарлама).
2. Қазақстан Республикасының Үкіметі, Қазақстан Республикасының Президентіне тікелей есеп беретін орталық атқарушы органдар мен мемлекеттік органдардың басшылары, облыстардың, Астана және Алматы қалаларының әкімдері Мемлекеттік бағдарламада көзделген шаралардың уақтылы орындалуын қамтамасыз етсін.
3. Қазақстан Республикасының Үкіметі жыл сайын республикалық бюджетті бекіту кезінде Мемлекеттік бағдарламаның шараларын іске асыру үшін қажетті қаражат бөлуді көздесін.
4. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
5. Осы Жарлық қол қойылған күннен бастап күшіне енеді.
Қазақстан Республикасының
Қазақстан Республикасы Президентінің
1998 жылғы 16 қарашадағы № 4153 Жарлығымен
БЕКІТІЛГЕН
"Халық денсаулығы"
МЕМЛЕКЕТТІК БАҒДАРЛАМАСЫ
ҚЫСҚАРТУЛАРДЫҢ ТІЗІМІ
ҚШК - қалыпты шектегі концентрациялар
ЕПМ - емдеу-профилактикалық мекемелері
СЭС - санитарлық-эпидемиологиялық станциялар
СПИД - жұқтырылған қорғаныш тапшылығы синдромы
АИТВ (ВИЧ) - адамның иммун тапшылығы вирусы
