Екінші деңгейдегі банктердің резервтік капиталының ең аз мөлшері
туралы Қазақстан Республикасы Ұлттық Банк басқармасының
2000 жылғы 26 ақпандағы № 70 Қаулысы
(2009.27.02. берілген өзгерістер мен толықтыруларымен)
ҚР ҚҚА Басқармасының 2009 жылғы 28 тамыздағы № 196 Қаулысымен күші жойылды
Екінші деңгейдегі банктердің қаржылық тұрақтылығын қамтамасыз ету және олардың депозиторларының мүддесін қорғау мақсатында Қазақстан Республикасы Ұлттық Банкінің Басқармасы Қаулы етеді:
ҚР ҚҚА Басқармасының 2004.25.10. № 304 қаулысымен 1-тармақ өзгертілді (бұр. ред. қара); ҚР ҚҚА Басқармасының 2007.30.11. № 256 қаулысымен 1-тармақ жаңа редакцияда (бұр.ред.қара) (2008 жылғы 1 мамырда қолданысқа енеді)
1. Осы қаулының қосымшасына сәйкес Қазақстан Республикасының заңнамасына сай жіктелуге жататын банктердің несие портфелінің 2 пайызынан кем емес сомада екінші деңгейдегі банктер үшін резерв капиталының барынша төмен мөлшері белгіленсін.
ҚР ҚҚА Басқармасының 2009.27.02. № 32 қаулысымен 1-1-тармақпен толықтырылды
1-1. Осы қаулының 1-тармағында белгіленген резервтік капиталдың барынша төмен мөлшері тұрғын үй құрылыс жинақ банктеріне - 2011 жылғы 1 қаңтарға дейін таралмайды.
2. Осы қаулы Қазақстан Республикасының Әділет министрлігінде мемлекеттік тіркеуден өткізілген күннен бастап күшіне енгiзiлсiн.
3. Банктердi қадағалау департаментi (Мекішев А. А.):
1) Заң департаментiмен (Шәрiпов С.Б.) бiрлесiп осы қаулыны Қазақстан Республикасының Әдiлет министрлігінде мемлекеттік тiркеуден өткізу шараларын қабылдасын;
