Қазақстан Республикасы
Еңбек және халықты әлеуметтік
қорғау Министрінің 2000 ж.
19 шілдедегі № 175-ө бұйрығымен
бекітілген
ҚР Еңбек және халықты әлеуметтік қорғау министрлігінің 2007 ж. 31 шілдедегі № 182-Ө Бұйрығымен күші жойылды
Еңбек жағдайлары зиянды (ерекше зиянды) және ауыр
(ерекше ауыр), қауiптi (ерекше қауiптi) жұмыстарда iстейтiн
адамдарға жыл сайынғы қосымша ақылы еңбек демалысына және
жұмыс уақытының ұзақтығын қысқартуға құқық беретiн
өндiрiстердің, цехтардың, кәсiптер мен қызметтердiң Тiзiмiн
(Тiзбесiн) қолдану жөніндегі
Нұсқаулық
1. Жалпы ережелер
1. Жыл сайынғы ақы төленетiн қосымша еңбек демалысы және жұмыс уақытының қысқартылған ұзақтығы қоса берiлiп отырған қосымша ақылы еңбек демалысына және жұмыс уақытының ұзақтығын қысқартуға құқық беретiн өндiрiстердiң, цехтардың, кәсiптер мен қызметтердiң Тiзiмiне (Тiзбесiне) (әрi қарай - Тiзiм) сәйкес еңбек жағдайлары зиянды (ерекше зиянды) және ауыр (ерекше ауыр), қауiптi (ерекше қауiптi) жұмыстарда iстеген жұмысшыларға, мамандар мен қызметкерлерге (әрi қарай - қызметкерлер) берiледi.
2. Қосымша демалысқа және жұмыс уақытының қысқартылған ұзақтығына Тiзiмнiң тиiстi тарауларында аталған өндiрiстер мен цехтар бойынша көрсетiлген кәсiптер мен қызметтерде жұмыс iстейтiн адамдар жеке еңбек шартын қандай жұмыс берушiмен жасасқанына қарамастан құқылы.
3. Тiзiммен белгiленетiн қосымша демалыс және қысқартылған жұмыс уақытының ұзақтығы еңбек жөніндегі мемлекеттік уәкiлеттi орган бекiткен нормативтiк құқықтық актiге сәйкес жүргiзiлетiн ұйымның өндiрiстiк объектiлерiн аттестациялау қорытындысы негiзiнде және жұмыс орындарындағы еңбек жағдайының шын мәніндегі ахуалын ескерiп төмендетуi мүмкiн. Қосымша демалыс және қысқартылған жұмыс уақытының нақты ұзақтығы норматив ретiнде ұжымдық шартта, жеке еңбек шартында белгiленедi.
