Еңбек жағдайлары зиянды (ерекше зиянды) және ауыр (ерекше ауыр), қауiптi
(ерекше қауiптi) жұмыстарда iстеген адамдарға жыл сайынғы қосымша ақылы
еңбек демалысына және жұмыс уақытының ұзақтығын қысқартуға құқық беретiн
өндiрiстердiң, цехтардың, кәсіптер мен қызметтердiң Тiзiмiн (Тiзбесiн)
қолдану жөніндегі Нұсқаулықты бекіту туралы Қазақстан Республикасы Еңбек
және халықты әлеуметтік қорғау министрлігі 2000 жылғы 19 шілдедегі №175-ө бұйрығы
(ҚР Еңбек және халықты әлеуметтік қорғау министрінің 26.04.02 ж. № 90-ө;
11.02.03 ж. № 27-ө бұйрықтарымен енгізілген өзгерістерімен)
ҚР Еңбек және халықты әлеуметтік қорғау министрлігінің 2007 ж. 31 шілдедегі № 182-Ө Бұйрығымен күші жойылды
Қазақстан Республикасының 1999 жылғы 10 желтоқсандағы № 493-1 "Қазақстан Республикасындағы еңбек туралы" Заңының 46 және 60-баптарына, Қазақстан Республикасы Үкіметінiң 1999 жылғы 9 сәуірдегі № 394 қаулысымен бекітілген Казақстан Республикасының Еңбек және халықты әлеуметтiк қорғау министрлігі туралы Ережеге сәйкес бұйырамын:
1. Қоса берiлiп отырған "Еңбек жағдайлары зиянды (ерекше зиянды) және ауыр (ерекше ауыр), қауiптi (ерекше қауiптi) жұмыстарда iстеген адамдарға жыл сайынғы қосымша ақылы еңбек демалысына және жұмыс уақытының ұзақтығын қысқартуға құқық беретiн өндiрiстердiң, цехтардың, кәсіптер мен қызметтердiң Тiзiмiн (Тiзбесiн) қолдану жөніндегі Нұсқаулық" бекітілсiн және ол Қазақстан Республикасының Әдiлет министрлігінде тiркелген күнiнен бастап қолдануға енгiзiлсiн.
2. Еңбектi қорғау басқармасы (Р. Үмбетқұлов) осы Бұйрықты министрлiктерге, басқа да орталық атқару органдарына, қызметкерлер мен жұмыс берушiлердiң өкiлдi органдарына жеткiзсiн, оны қолдану жөнiнде түсiндiру жұмыстарын жүргiзсiн.
