ҚР Қаржы министрінің 2010 жылғы 21 қыркүйектегі № 474 бұйрығымен 2011 жылы 1 қаңтардан бастап күшін жойды
Қазақстан Республикасының
Кедендік бақылау агенттігі
төрағасының
2003 жылғы 12 мамырдағы
№ 197 бұйрығымен
бекітілген
Кеден төлемдерi мен салықтарының төленуiнiң қамтамасыз
етiлгендiгiн растайтын құжатты толтыру мен ұсынудың ережесi
1. Жалпы ережелер
(2005.29.09. берілген өзгерістермен)
1. Осы Кеден төлемдерi мен салықтарының төленуiнiң қамтамасыз етiлгендiгiн растайтын құжатты толтыру мен ұсынудың ережесi (бұдан әрi Ереже) Қазақстан Республикасы Кеден кодексiнiң (бұдан әрi Кодекс) 77-бабына сәйкес әзiрлендi және кеден төлемдерi мен салықтарының төленуiнiң қамтамасыз етiлгендiгiн растайтын құжатты (бұдан әрi - ҚРҚ) қолданудың, ұсынудың тәртібін айқындайды.
2. Кедендiк бақылаумен орналастырылған тауарлар мен көлiк құралдары ҚРҚ пайдалана отырып iшкi кедендiк транзит рәсiмдерiмен Қазақстан Республикасының кеден аумағы бойынша өткiзiлуi мүмкiн.
3. ҚРҚ кедендiк бақылаумен орналастырылған, өткiзiлетiн тауарлар мен көлiк құралдарының бiр партиясына ресiмделедi.
2. ҚРҚ тiркеудiң және толтырудың тәртібі
4. ҚРҚ тiркеуге кеден органы тек Қазақстан Республикасының кеден заңнамасында белгiленген тәртiппен кеден төлемдерi мен салықтарының төленуi қамтамасыз етiлгеннен кейiн ғана рұқсат етiледi.
5. ҚРҚ төлеушi өтiнiшiнiң негiзiнде берiледi. Өтiнiште кеден төлемдерi мен салықтарын төлеудi қамтамасыз етудi енгізудiң мақсаты көрсетiледi.
6. Егер, сыртқы экономикалық қызметке қатысушы (бұдан әрi - СЭҚ) Қазақстан Республикасының резидентi болып табылса, өтiнiшке сыртқы экономикалық қызметке қатысушының есеп кәртiшкесiнiң көшiрмесi қоса тiгiледi.
7. Төлеушi кәсiпорын басшысының, бухгалтерiнiң қолымен және мөрiмен расталған ҚРҚ-ны белгiленген нысанда (1-қосымша) екi данада ресiмдейдi.
