Оралман мәртебесін айқындау және оларды оралмандардың көшіп келу
квотасына енгізу нұсқаулығын бекіту туралы Қазақстан Республикасының
көші-қон және демография жөніндегі агенттігінің
2003 ж. 8 тамыздағы № 60-ө бұйрығы
ҚР Көші-қон және демография жөніндегі Агенттігі Төрағасының 2004 жылғы 17 тамыздағы № 70-ө бұйрығымен күші жойылды
"Халықтың көші-қоны туралы" Қазақстан Республикасының Заңына сәйкес, БҰЙЫРАМЫН:
1. Қоса беріліп отырған Оралман мәртебесін айқындау және оларды оралмандардың көшіп келу квотасына енгізу тәртібі туралы Нұсқаулық бекітілсін.
2. Осы бұйрық Қазақстан Республикасының Әділет министрлігінде мемлекеттік тіркеуден өткізілген күннен бастап күшіне енеді.
3. Қазақстан Республикасының Әділет министрлігінде 1999 жылғы 19 мамырда № 767 тіркеуден өткен "Оралман (репатриант), реэмигрант, қоныс аударушы, сондай-ақ мәжбүрлі түрде қоныс аударушы мәртебесін анықтау тәртібі туралы Нұсқаулықты бекіту туралы" Қазақстан Республикасының Көші-қон және демография жөніндегі Агенттігінің 1999 жылғы 12 мамырдағы № 5 бұйрығының күші жойылды деп танылсын.
Төраға
міндетін атқарушы
Қазақстан Республикасының
Көші-қон және демография
жөніндегі агенттігі
төрағасы м.а.
2003 жылғы 8 тамыздағы
№ 60-ө бұйрығымен
БЕКІТІЛГЕН
Оралман мәртебесін айқындау және оларды
оралмандардың көшіп келу квотасына енгізу
нұсқаулығы
1. Жалпы ережелер
1. Осы Нұсқаулық "Халықтың көші-қоны туралы" Қазақстан Республикасының Заңына сәйкес әзірленді және оралман мәртебесін айқындау және оларды оралмандарды көшіп келу квотасына енгізуді көздейді.
2. Осы Нұсқаулықта мынадай ұғымдар мен терминдер пайдаланылады:
1) оралмандар - ұлты қазақ шетелдіктер немесе Қазақстан Республикасы егемендік алған кезде оның шегінен тыс жерде тұрақты тұрған және Қазақстанға тұрақты тұру мақсатымен келген азаматтығы жоқ адамдар;
