Жарияланған акциялар шығарылымын мемлекеттік тiркеу, акцияларды
орналастыру қорытындылары туралы есептi бекіту және акциялар шығарылымын
жою ережесін бекіту туралы Қазақстан Республикасының Ұлттық Банкі
Басқармасының 2003 жылғы 4 шілдедегі № 217 қаулысы
(2005.25.06. берілген өзгерістер мен толықтырулармен)
ҚР Қаржы нарығын және қаржы ұйымдарын реттеу мен қадағалау агенттігі Басқармасының 2005.30.07. № 268 қаулысымен күші жойылды
Бағалы қағаздар рыногын мемлекеттік реттеудi жетiлдiру мақсатында, "Акционерлік қоғамдар туралы" Қазақстан Республикасы Заңының 17 және 20-баптарына, "Бағалы қағаздар рыногы туралы" Қазақстан Республикасы Заңына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДI:
1. Жарияланған акциялар шығарылымын мемлекеттік тiркеу, акцияларды орналастыру қорытындылары туралы есептi бекіту және акциялар шығарылымын жою ережесi бекітілсiн.
2. Осы қаулы күшiне енген күннен бастап Қазақстан Республикасының Ұлттық Банкi Басқармасының "Акциялар эмиссиясын мемлекеттік тiркеу, мемлекеттік тiркелуге жатпайтын акциялардың эмиссияларына ұлттық бiрегейлендiру нөмiрiн беру, акцияларды шығару және орналастыру қорытындылары жөніндегі есептi қарау және акциялар эмиссиясын жою ережесін бекіту туралы" 2002 жылғы 3 тамыздағы № 304 қаулысының (Қазақстан Республикасының нормативтiк құқықтық актілерін мемлекеттік тiркеу тiзiлiмiнде № 1979 тiркелген, 2003 жылғы 22 ақпанда Қазақстан Республикасы Ұлттық Банкінің "Қазақстан Ұлттық Банкінің Хабаршысы" және "Вестник Национального Банка Казахстана" басылымдарында жарияланған) күшi жойылды деп танылсын.
3. Қаржылық қадағалау департаментi (Бахмутова Е.Л.):
1) Заң департаментiмен (Шәрiпов С.Б.) бiрлесiп осы қаулыны Қазақстан Республикасының Әдiлет министрлігінде мемлекеттік тiркеуден өткізу шараларын қабылдасын;
