Коммуналдық және балалар мен өспiрiмдердiң гигиенасы жөніндегі санитарлық-эпидемиологиялық
ереже мен нормаларды бекіту туралы
Қазақстан Республикасының Денсаулық сақтау министрлігінің 2004 жылғы 18 тамыздағы № 631 бұйрығы
ҚР Денсаулық сақтау министрінің м.а. 2010 жылғы 28 қыркүйектегі № 767 Бұйрығымен күші жойылды
"Халықтың санитарлық-эпидемиологиялық салауаттылығы туралы" Қазақстан Республикасы Заңының 7-бабының 10) тармақшасына сәйкес Бұйырамын:
1. Қоса берiлiп отырған:
1) "Монша қызметiн көрсету объектiлерiн жабдықтауға, ұстап-күтуге және пайдалануға қойылатын санитарлық-эпидемиологиялық талаптар";
2) "Жеңiл өнеркәсiптiң балалар тауарларына қойылатын санитарлық-эпидемиологиялық талаптар";
3) "Дербес компьютерлерге, бейнетерминалдарға және олармен жұмыс iстеуге қойылатын санитарлық-эпидемиологиялық талаптар" санитарлық-эпидемиологиялық ережелер мен нормалар бекітілсiн.
2. Осы бұйрықтың орындалуын бақылау Қазақстан Республикасының денсаулық сақтау вице-министрi, Бас мемлекеттік санитарлық дәрiгерi А.А. Белоногқа жүктелсiн.
3. Осы бұйрық ресми жарияланған күнiнен бастап қолданысқа енгiзiледi.
Министрдiң
мiндетiн атқарушы
"Балалар мен жасөспірімдердің
және коммуналдық гигиенасы жөніндегі
санитарлық-эпидемиологиялық
ереже мен нормаларды бекіту туралы"
Қазақстан Республикасы
Денсаулық сақтау министрдің
міндетін атқарушының
2004 жылғы 18 тамыздағы
№ 691 бұйрығымен бекітілген
"Монша қызметін көрсету объектілерін ұстап күтуге және
пайдалануға қойылатын санитарлық-эпидемиологиялық талаптар"
санитарлық-эпидемиологиялық ереже мен нормалар
1. Жалпы ережелер
1. "Монша қызметін көрсету объектілерін ұстап күтуге және пайдалануға қойылатын санитарлық-эпидемиологиялық талаптар" санитарлық-эпидемиологиялық ереже мен нормалар (бұдан әрі - санитарлық ережелер) құрылысы салынып жатқан, қайта жөндеуден өтетін және жұмыс атқарып жатқан меншік нысанынан тәуелсіз монша қызметін атқаратын ұйымдарға таралады.
