Жекелеген қызмет түрлерiмен айналысу құқығы үшiн лицензиялық алым
ставкаларын бекiту туралы Қазақстан Республикасы Үкіметінің 2002 жылғы
24 қаңтардағы N 100 қаулысы
(ҚР Үкіметінің 16.04.02 ж. N 434;
07.07.02 ж. N 794; 30.08.03 ж. N 833; 02.10.03 ж. N 1018;
04.03.04 ж. N 269; 11.08.04 ж. N 842 қаулыларымен
енгізілген өзгерістерімен)
Осы редакция ҚР Үкіметінің 2004 ж. 13 тамыздағы N 860 қаулысымен енгізілген өзгерістеріне дейін қолданылды
"Салық және бюджетке төленетiн басқа да мiндеттi төлемдер туралы" Қазақстан Республикасының 2001 жылғы 12 маусымдағы Кодексiне (Салық кодексi), "Лицензиялау туралы" Қазақстан Республикасының 1995 жылғы 17 сәуiрдегi Заңына сәйкес Қазақстан Республикасының Yкiметi қаулы етеді:
1. Қоса беріліп отырған Жекелеген қызмет түрлерiмен айналысу құқығы үшiн лицензиялық алым ставкалары бекiтiлсiн.
2. "Жекелеген қызмет түрлерiмен айналысу құқығы үшiн лицензия алымын төлеудiң тәртiбi туралы Ереженi бекiту туралы" Қазақстан Республикасы Министрлер Кабинетiнiң 1995 жылғы 16 тамыздағы N 127 қаулысының (Қазақстан Республикасының ПҮКЖ-ы, 1995 ж., N 28, 337-құжат) күшi жойылды деп танылсын.
3. Мемлекеттiк органдар бiр ай мерзiмде бұрын қабылданған нормативтiк құқықтық кесiмдерiн осы қаулыға сәйкес келтiрсiн.
