(БҰРЫНҒЫ РЕДАКЦИЯ) ҚР ҮКІМЕТІНІҢ 2003 Ж. 11 АҚПАНДАҒЫ № 148 ҚАУЛЫСЫ

Республикалық және жергiлiктi бюджеттердiң каражаты есебiнен шетелдiк

iссапарларға валюталық каражаттың жұмсалуын ретке келтiру жөнiндегі

шаралар туралы Қазақстан Республикасы Үкіметінің

2003 жылғы 11 ақпандағы N 148 қаулысы

(ҚР Үкіметінің 19.05.03 ж. N 456; 23.01.04 ж. N 72

қаулыларымен енгізілген өзгерістерімен)

Осы редакция ҚР Үкіметінің 2004 ж. 3 қарашадағы N 1140 қаулысымен енгізілген өзгерістеріне дейін қолданылды

Бұрынғы редакцияларды қара

Республикалық және жергiлiктi бюджеттердің қаражаты есебiнен шетелдiк iссапарларға валюталық қаражаттың жұмсалуын ретке келтiру мақсатында Қазақстан Республикасының Yкiметi қаулы етеді:

ҚР Үкіметінің 19.05.03 ж. N 456; 23.01.04 ж. N 72 (бұр. ред. қара) қаулылармен 1-тармақ өзгертілді

1. Мынадай болып белгiленсiн:

1) Қазақстан Республикасының Президентi, Қазақстан Республикасының Премьер-Министрi, Қазақстан Республикасының Парламентi Сенатының Төрағасы, Қазақстан Республикасының Парламентi Мәжiлiсiнiң Төрағасы, Қазақстан Республикасының Мемлекеттiк хатшысы, сондай-ақ олармен бiрге жүретiн адамдар (Қазақстан Республикасы Президентiнiң, Қазақстан Республикасы Премьер-Министрiнiң, Қазақстан Республикасы Парламентiнiң Сенаты Төрағасының, Қазақстан Республикасы Парламентiнiң Мәжiлiсi Төрағасының, Қазақстан Республикасы Мемлекеттік хатшысының жұбайлары), Қазақстан Республикасының Президентi Күзет қызметінің қызметкерлерi (түзетiлетiн тұлғамен бiрге жүргенде) шетелге жол жүрген кезде шетелдiк валютадағы көлiктiк шығыстары 1-сынып бойынша авиабилеттiң құны мөлшерiнде өтеледi;