“Зейнетақы жарналарын тарту және зейнетақы төлемдерін жүзеге
асыру жөніндегі қызметті лицензиялау ережесін бекіту туралы”
Қазақстан Республикасының Қаржы нарығын және қаржы ұйымдарын реттеу мен
қадағалау жөніндегі агенттігі Басқармасының 2005 жылғы 26 наурыздағы № 112 Қаулысы
ҚР Қаржы нарығын және қаржы ұйымдарын реттеу мен қадағалау агенттігі Басқармасының 2005.26.11. № 410 Қаулысымен күші жойылды
"Қаржы рыногын және қаржы ұйымдарын мемлекеттік реттеу мен қадағалау туралы" Қазақстан Республикасы Заңының 9-бабы 1-тармағының 3) тармақшасына, "Қазақстан Республикасында зейнетақымен қамсыздандыру туралы" Қазақстан Республикасы Заңының 39-бабына сәйкес Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:
1. Қоса беріліп отырған Зейнетақы жарналарын тарту және зейнетақы төлемдерін жүзеге асыру жөніндегі қызметті лицензиялау ережесі бекітілсін.
2. Зейнетақы жарналарын тарту және зейнетақы төлемдерiн жүзеге асыру жөніндегі қызметтi жүзеге асыруға лицензиясы бар жинақтаушы зейнетақы қорлары 2006 жылғы 1 қаңтарға дейінгі мерзімде өз қызметін, жинақтаушы зейнетақы қорларының автоматтандырылған ақпараттық жүйесiн құруға және оның қауiпсiздiгiн қамтамасыз етуге қойылатын талаптар бөлiгiнде, осы қаулының талаптарына сәйкес келтiрсiн.
3. Мыналардың күшi жойылды деп танылсын:
1) Қазақстан Республикасының Еңбек және халықты әлеуметтiк қорғау министрлігі Ұлттық зейнетақы агенттiгiнiң "Жинақтаушы зейнетақы қорларының автоматтандырылған ақпараттық жүйесiн құру ережесін бекіту туралы" 1997 жылғы 15 желтоқсандағы № 33-П бұйрығының (Қазақстан Республикасының нормативтiк құқықтық актілерін мемлекеттік тiркеу Тiзiлiмiнде № 468 тiркелген);
