Авиациялық персоналды авиациялық қауіпсіздік мәселелері бойынша қайта даярлау бағдарламасын бекіту туралы
Қазақстан Республикасы Көлік және коммуникация министрлігінің
Азаматтық авиация комитеті төрағасының 2006 жылғы 29 қарашадағы № 275 Бұйрығы
ҚР Көлік және Коммуникация министрінің 2010 жылғы 26 тамыздағы № 385 Бұйрығымен күші жойылды
Қазақстан Республикасы Үкіметінің 2004 жылғы 24 қарашадағы № 1232 қаулысымен бекітілген Қазақстан Республикасы Көлік және коммуникация министрлігінің Азаматтық авиация комитеті туралы ереженің 10-тармағының 2) тармақшасына сәйкес бұйырамын:
1. Қоса беріліп отырған Авиациялық персоналды авиациялық қауіпсіздік мәселелері бойынша қайта даярлау бағдарламасы бекітілсін.
2. Әкімшілік және құқықтық қамтамасыз ету бөлімі (Малдыбаев Қ.Ш.) осы бұйрықты Қазақстан Республикасы Әділет министрлігінде заңнамада белгіленген тәртіппен тіркеуді қамтамасыз етсін.
3. Осы бұйрықтың орындалуын бақылауды өзіме қалдырамын.
4. Осы бұйрық ресми жарияланған күнінен бастап қолданысқа енгізіледі.
Қазақстан Республикасы
Көлік және коммуникация министрлігінің
Азаматтық авиация комитеті төрағасының
2006 жылғы 29 қарашадағы
№ 275 бұйрығымен бекітілген
Авиациялық персоналды авиациялық қауіпсіздік
мәселелері бойынша қайта даярлау бағдарламасы
1. Осы Авиациялық персоналды авиациялық қауіпсіздік мәселелері бойынша қайта даярлау бағдарламасы (бұдан әрі - Қайта даярлау бағдарламасы) мынадай нормативтік құқықтық актілердің талаптарына сәйкес әзірленген:
1) «Қазақстан Республикасының әуе кеңістігін пайдалану және авиация қызметі туралы» Қазақстан Республикасының Заңы;
2) «Азаматтық авиацияны мемлекеттік реттеу туралы» Қазақстан Республикасының Заңы;
3) Қазақстан Республикасы Үкіметінің 2003 жылғы 25 шілдедегі № 746-қбпү қаулысымен бекітілген Авиациялық қауіпсіздік ережесі;
