Әлеуметтік көмекті тағайындау жөніндегі нұсқаулықты бекіту туралы
Павлодар облысы Павлодар қалалық әкімиятының 2008 жылғы 8 сәуірдегі № 424/10 қаулысы
(2008.31.07. берілген өзгерістер мен толықтыруларымен)
Павлодар облысы Павлодар қалалық әкімдігінің 2009 жылғы 30 қаңтардағы № 130/2 қаулысымен күші жойылды
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 31-бабы 1-тармағы 14)-тармақшасына сәйкес, азаматтарды әлеуметтік қорғау мақсатында Павлодар қаласының әкімдігі ҚАУЛЫ ЕТЕДІ:
1. Әлеуметтік көмекті тағайындау жөнінде қоса берілген нұсқаулық бекітілсін.
2. Павлодар қаласы әкімдігінің:
2007 жылғы 20 сәуірдегі «әлеуметтік көмекті тағайындау жұніндегі нұсқаулықты бекіту туралы» № 553/10 (мемлекеттік тізбедегі нормативтік құқықтық актіде № 12-1-88 тіркелген);
2007 жылғы 23 тамыздағы «Павлодар қаласы әкімдігінің 2007 жылғы 20 сәуірдегі «әлеуметтік көмекті тағайындау жөніндегі нұсқаулықты бекіту туралы» № 553/10 қаулысына толықтырулар енгізу туралы» № 1085/18 (мемлекеттік тізбедегі нормативтік құқықтық актіде № 12-1-93 тіркелген);
2007 жылғы 9 қарашадағы «Павлодар қаласы әкімдігінің 2007 жылғы 20 сәуірдегі «әлеуметтік көмекті тағайындау жөніндегі нұсқаулықты бекіту туралы» № 553/10 қаулысына толықтырулар мен өзгерістер енгізу туралы» № 1439/24 (мемлекеттік тізбедегі нормативтік құқықтық актіде № 12-1-98 тіркелген) қаулыларының күші жойылды деп танылсын.
3. Осы қаулы алғашқы ресми жарияланған күнінен бастап 10 (он) күнтізбелік күн өткен соң қолданысқа енгізіледі.
4. Осы қаулының орындалуын бақылау қала әкімі орынбасарының міндеттін атқарушы С. Д. Асановқа жүктелсін.
| Павлодар қаласының әкімі | Б. Демеуов |
