Іле ауданы Боралдай кентінің жергілікті қоғамдастық жиналысының регламентін бекіту туралы
Алматы облысы Іле аудандық мәслихатының 2024 жылғы 23 шілдедегі № 29-104 шешімі
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 39-3 бабының 3-1 тармағына сәйкес, Іле аудандық маслихаты ШЕШТІ:
1. Іле ауданы Боралдай кентінің жергілікті қоғамдастық жиналысының регламенті осы шешімнің қосымшасына сәйкес бекiтiлсiн.
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Іле аудандық мәслихатының төрағасы | М. Карибаев |
Іле аудандық мәслихатының
2024 жылғы 23 шілде
№ 29 - 104 шешіміне қосымша
Іле ауданы Боралдай кентінің жергілікті қоғамдастық жиналысының
регламенті
1-тарау. Жалпы ережелер
1. Осы Жергілікті қоғамдастық жиналысының регламенті (бұдан әрі -Регламент) «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының (бұдан әрі - Заң) 39-3 бабына сәйкес әзірленді.
2. Осы Үлгі регламентте қолданылатын негізгі ұғымдар:
1) жергілікті қоғамдастық - шекараларында жергілікті өзін-өзі басқару жүзеге асырылатын, оның органдары құрылатын және жұмыс істейтін Іле ауданы Боралдай кенті аумағында тұратын тұрғындардың (жергілікті қоғамдастық мүшелерінің) жиынтығы;
2) жергілікті қоғамдастық жиналысы (бұдан әрі - жиналыс) - жергілікті қоғамдастық жиыны жіберген жергілікті қоғамдастық өкілдерінің Қазақстан Республикасының заңнамасында белгіленген шекте және тәртіппен жергілікті маңызы бар ағымдағы мәселелерді шешуге қатысуы;
3) жергілікті маңызы бар мәселелер - реттелуі Іле ауданы Боралдай кенті тұрғындарының басым бөлігінің құқықтары мен заңды мүдделерін қамтамасыз етуге байланысты аудан, ауылдық округ пен кент қызметінің мәселелері;
