Мемлекеттік қызмет туралы заңдарды және сыбайлас жемқорлыққа қарсы
заңдарды сақтау мәселесі жөнінде Қазақстан Республикасы мемлекеттік
органдарының қызметіне тексеру жүргізудің тәртібі туралы ережені бекіту
туралы Қазақстан Республикасының Мемлекеттік қызмет істері жөніндегі
агенттігі төрағасының 2000 жылғы 13 шілдедегі № 02-1-7/81 бұйрығы (ҚР
Мемлекеттік қызмет істері жөніндегі агенттігінің 14.03.02 ж. N
02-2-4/31 бұйрығымен енгізілген өзгерістерімен)
Осы редакция Қазақстан Республикасы Мемлекеттік қызмет істері жөніндегі агенттігі Төрағасының 2005 жылғы 7 сәуірдегі № 02-01-02/46 Бұйрығымен енгізілген өзгерістеріне дейін қолданылды
Қазақстан Республикасының 1999 жылғы 23 шiлдедегi "Мемлекеттік қызмет туралы" Заңының 5 бабы 1 тармағының 9), 11)-13) тармақшаларына, Қазақстан Республикасы Президентiнің 1999 жылғы 3 желтоқсандағы № 280 Жарлығымен бекітілген Қазақстан Республикасы Мемлекеттік қызмет iстерi жөніндегі агенттігі туралы ережесінің 10 тармағының 3)-7) тармақшаларына сәйкес Бұйырамын:
1. Мыналар бекітілсiн:
1) қоса берiлiп отырған Мемлекеттік қызмет туралы заңдарды және сыбайлас жемқорлыққа қарсы заңдарды сақтау мәселесi жөнiнде Қазақстан Республикасы мемлекеттік органдарының қызметiне тексеру жүргiзудің тәртібі туралы ереже;
2) № 1 қосымшаға сәйкес тексеру жүргiзу кезіндегі қолданылатын нормативтi құқықтық актiлердiң үлгi тiзімі;
3) № 2 қосымшаға сәйкес тексеру жүргiзу кезіндегі оқып, зерделеуге жататын құжаттар мен мәлiметтердiң үлгi тiзiмi;
4) № 3 қосымшаға сәйкес тексерулердің нәтижесi туралы ай сайынғы есеп берудің N А-1 нысаны.
2. Қазақстан Республикасы Мемлекеттік қызмет iстерi жөніндегі агенттiгі аумақтық бөлiмшелерiнiң басшылары есептi айдан кейiнгi айдың 5-жұлдызынан кешiктiрмей, Қазақстан Республикасы Мемлекеттік қызмет iстерi жөніндегі агенттігінің Мемлекеттік қызметтi құқықтық қамтамасыз ету департаментiне N А-1 нысаны бойынша ай сайын түсiндiрме жазба қосымшасымен есеп беріп отырсын.
