Әскери мүлiктi есепке алу және есептен шығару ережесін бекіту туралы
Қазақстан Республикасы Үкіметінің 2005 жылғы 28 шілдедегі № 787 Қаулысы
(2016.11.04. берілген өзгерістер мен толықтыруларымен)
«Қазақстан Республикасының қорғанысы және Қарулы Күштерi туралы» Қазақстан Республикасының 2005 жылғы 7 қаңтардағы Заңына сәйкес Қазақстан Республикасының Үкіметі ҚАУЛЫ ЕТЕДI:
1. Қоса берiлiп отырған Әскери мүлiктi есепке алу және есептен шығару ережесi бекітілсiн.
2. Осы қаулы қол қойылған күнінен бастап қолданысқа енгізiледi.
Қазақстан Республикасының
| Премьер-Министрі | Д. Ахметов |
Қазақстан Республикасы
Үкіметінiң
2005 жылғы 28 шілдедегі
№ 787 қаулысымен
бекiтілген
Әскери мүлiктi есепке алу және есептен шығару
ережесi
1. Жалпы ережелер
ҚР Үкіметінің 2016.11.04. № 205 Қаулысымен 1-тармақ жаңа редакцияда (бұр.ред.қара)
1. Осы Қазақстан Республикасы Қарулы Күштерінің, басқа да әскерлері мен әскери құралымдарының әскери мүлкін есепке алу және есептен шығару ережесі (бұдан әрі - Ереже) «Қазақстан Республикасының қорғанысы және Қарулы Күштері туралы» 2005 жылғы 7 қаңтардағы Қазақстан Республикасының Заңы 7-бабының 22) тармақшасына сәйкес әзірленді және әскери бөлімдерде, мемлекеттік мекемелерде, әскери оқу орындарында (бұдан әрі - әскери бөлімдер) жарамсыз (шекті) күйге келген сапасын жоғалтқан қаруды, әскери техника мен өзге де әскери мүлікті есепке алу және есептен шығару тәртібін белгілейді.
ҚР Үкіметінің 2016.11.04. № 205 Қаулысымен 1-1-тармақпен толықтырылды
1-1. Жеке пайдаланудағы заттай мүлік - жабдықтау нормалары бойынша әскери қызметшілерге тұрақты жеке пайдалануға (түгендеу мүлкінен басқа) босатылатын заттай мүлік заттары, атап айтқанда киім-кешек, аяқ киім, киім, жылы заттар және амуниция.
ҚР Үкіметінің 2011.24.05. № 565 Қаулысымен 2-тармақ өзгертілді (бұр.ред.қара)
