«Жекелеген негіздер бойынша мемлекет меншігіне айналдырылған (түскен) мүлік туралы мәліметтерді беру ережелерін бекіту туралы» Қазақстан
Республикасы Қаржы министрлігінің Салық комитеті Төрағасының 2005 жылғы 22 қыркүйектегі № 425 бұйрығына толықтырулар енгізу туралы
Қазақстан Республикасы Қаржы министрлігі Салық комитеті төрағасының 2006 жылғы 7 қыркүйектегі № 434 Бұйрығы
ҚР Қаржы министрлігінің Мемлекеттік кірістер комитеті Төрағасының 2019 жылғы 19 ақпандағы № 1 бұйрығымен күші жойылды
«Жекелеген негіздер бойынша мемлекет меншігіне айналдырылған (түскен) мүлікті есепке алудың, сақтаудың, бағалаудың және одан әрі пайдаланудың кейбір мәселелері» Қазақстан Республикасы Үкіметінің 2002 жылғы 26 шілдедегі № 833 қаулысын іске асыру мақсатында бұйырамын:
1. «Жекелеген негіздер бойынша мемлекет меншігіне айналдырылған (түскен) мүлік туралы мәліметтерді беру ережелерін бекіту туралы» Қазақстан Республикасы Қаржы министрлігінің Салық комитеті Төрағасының 2005 жылғы 22 қыркүйектегі № 425 бұйрығына (Нормативтік құқықтық актілерін мемлекеттік тіркеу тізілімінде № 3873 болып тіркелген, 2005 жылғы 28 желтоқсанда № 243-244 «Юридическая газета» газетінде жарияланған) мынадай толықтырулар енгізілсін:
көрсетілген бұйрықпен бекітілген Жекелеген негіздер бойынша мемлекеттік меншікке айналдырылған (түскен) мүлік туралы мәліметтерді беру ережесінде:
2-тармақ «қосымша» деген сөздің алдынан «1-»деген санмен толықтырылсын;
мынадай мазмұндағы 4-1-тармақпен толықтырылсын:
«4-1. Облыстар, Астана және Алматы қалалары бойынша салық комитеттері Мәліметтерді Қазақстан Республикасы Қаржы министрлігінің Салық комитетіне осы Ережеге 2-қосымшаға сәйкес нысан бойынша есепті жарты жылдықтан кейінгі екінші айдың 20-күнінен кешіктірмей жарты жылда бір рет береді.»;
6-тармақ «2-бағанда» деген сөздерден кейін «осы Ережеге 3-қосымшада қарастырылған» деген сөздермен толықтырылсын;
көрсетілген Ережеге қосымша «Қосымша» деген сөздің алдынан «1-» деген санмен толықтырылсын;
осы бұйрыққа 1, 2-қосымшаларға сәйкес 2, 3-қосымшалармен толықтырылсын.
