«Қызылорда облысының 2004-2015 жылдарға арналған индустриялық-инновациялық даму аймақтық
бағдарламасын бекіту туралы» облыстық Мәслихаттың 2004 жылғы 26 наурыздағы VI сессиясының
№ 59 шешіміне өзгеріс енгізу туралы
Қызылорда облыстық мәслихатының ХІІ сессиясының 2004 жылғы 14 желтоқсандағы № 123 шешімі
«Қазақстан Республикасындағы жергілікті мемлекеттік басқару туралы» Қазақстан Республикасы Заңының 6-бабының 1-тармағының 1-тармақшасына сәйкес облыстық Мәслихат ШЕШІМ ЕТЕДІ:
«Қызылорда облысының 2004-2015 жылдарға арналған индустриялық-инновациялық даму аймақтық бағдарламасын бекіту туралы» облыстық Мәслихаттың 2004 жылғы 26 наурыздағы VІ сессиясының № 59 шешіміне (нормативтік құқықтық актілерді мемлекеттік тіркеу тізілімінде 2004 жылғы 15 сәуірде 3753 санды болып тіркелген, «Сыр бойы» газетінде 2004 жылғы 7 мамырда жарияланған) мынадай өзгеріс енгізілсін:
аталған шешіммен бекітілген «Қызылорда облысының 2004-2015 жылдарға арналған индустриялық-инновациялық даму аймақтық бағдарламасы жаңа редакцияда жазылсын (қоса беріліп отыр).
Облыстық Мәслихаттың ХІІ сессиясының төрағасы,
облыстық Мәслихат хатшысы
Қызылорда облыстық мәслихатының
ХІІ сессиясының
2004 жылғы 14 желтоқсандағы
№ 123 шешімімен бекітілген
Қызылорда облысының 2004-2015 жылдарға арналған
индустриялық-инновациялық даму аймақтық бағдарламасы
1. Бағдарламаның төлқұжаты
Бағдарламаның атауы - Қызылорда облысының 2004-2015 жылдарға арналған индустриялық-инновациялық даму аймақтық бағдарламасы.
Бағдарламаны әзірлеуге негіздеме - «Қазақстан Республикасының 2003-2015 жылдарға арналған индустриялық-инновациялық стратегиясы туралы» Қазақстан Республикасы Президентінің 2003 жылғы 17 мамырдағы № 1096 Жарлығы; Қазақстан Республикасының индустриялық-инновациялық дамуының 2003-2015 жылдарға арналған стратегиясын іске асыру жөніндегі іс-шаралар жоспарын бекіту туралы» Қазақстан Республикасы Үкіметінің 2003 жылғы 17 шілдедегі № 712-1 Қаулысы.
