Қазақстан Республикасының Конституциялық Кеңесi туралы" 1995 жылғы 29
желтоқсандағы № 2737 Қазақстан Республикасының Конституциялық заңы
(24.11.04 ж. № 604-II ҚР Конституциялық Заңымен енгізілген өзгерістерімен)
Осы редакция 2008 жылғы 17 маусымдағы енгізілген өзгерістеріне дейін қолданылды
Бұрынғы редакцияларды қара
24.11.04 ж. № 604-II ҚР Конституциялық Заңымен актінің нысаны және тақырыбы өзгертілді (бұр. ред. қара)
I тарау. Жалпы Ережелер (1 - 9 баптар)
II тарау. Республика Конституциялық Кеңесiнiң (10- 16 баптар)
Төрағасы мен мүшелерiнiң мәртебесi
III тарау. Республика Конституциялық Кеңесiнiң және (17- 19 баптар)
оның лауазымды адамдарының құзыретi
IV тарау. Конституциялық iс жүргiзу (20- 30 баптар)
V тарау. Республика Конституциялық Кеңесiнiң шешiмдерi (31- 41 баптар)
VI тарау. Қорытынды және өтпелi ережелер (42- 47 баптар)
24.11.04 ж. № 604-II ҚР Конституциялық Заңымен кіріспе алынып тасталды (бұр. ред. қара)
I ТАРАУ
Жалпы Ережелер
1-бап. Конституциялық Кеңестiң мәртебесi
Конституциялық Кеңес мемлекеттік орган ретiнде Республиканың бүкiл аумағында Қазақстан Республикасы Конституциясының жоғары тұруын қамтамасыз етедi:
1) өз өкiлеттiгiн жүзеге асыру кезiнде дербес және мемлекеттік органдарға, ұйымдарға, лауазымды адамдар мен азаматтарға тәуелсiз, Республика Конституциясына ғана бағынады әрi саяси және өзге себептердi негiзге ала алмайды;
2) Республика Конституциясы мен осы Конституциялық заңды басшылыққа ала отырып, соттардың немесе басқа мемлекеттік органдардың құзыретiне жататын барлық жағдайларда өзге мәселелердi анықтау мен зерттеуге бармай-ақ өз өкiлеттiгiн жүзеге асырады.
2-бап. Конституциялық Кеңестiң құрамы
