Қоғамдық жұмыстарға тартылған сотталғандар еңбегін қолдану үшін объектілер және қоғамдық жұмыс түрлері туралы
Шығыс Қазақстан облысы Өскемен қаласы әкімдігінің 2008 жылғы 24 шілдедегі № 9842 қаулысы
Шығыс Қазақстан облысы Өскемен қаласы әкімдігінің 2011 жылғы 2 желтоқсандағы № 14188 Қаулысымен күші жойылды
Қазақстан Республикасының 1997 жылғы 16 шілдедегі Қылмыстық кодексінің 42-бабының 1-тармағының, Қазақстан Республикасының 1997 жылғы 13 желтоқсандағы Қылмыстық-атқару кодексінің 30-бабының 1-тармағының, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 31-бабының 2-тармағының негізінде, Өскемен қаласының әкімдігі ҚАУЛЫ ЕТЕДІ:
1. Қоса беріліп отырған қоғамдық жұмыстарға тартылған сотталғандар еңбегін қолдану үшін объектілер және қоғамдық жұмыс түрлерінің тізімі бекітілсін.
2. Төмендегі қаулылардың күші жойылды деп танылсын:
1) 2006 жылғы 9 наурыздағы № 2568 «Жазалау түрінде қоғамдық жұмыстарға тартылған сотталғандар еңбегін қолдану үшін объектілер туралы» нормативтік құқықтық актілерді мемлекеттік тіркеу Тізілімінде 5-1-33 нөмірімен тіркелген, 2006 жылғы 8 сәуірдегі «Дидар», 2006 жылғы 4 сәуірдегі «Рудный Алтай» газеттерінде жарияланған;
