Акциздік қосындардың қызметін ұйымдастыру ережесін бекіту туралы
Қазақстан Республикасы Қаржы министрінің 2008 жылғы 23 желтоқсандағы № 602 Бұйрығы
ҚР Қаржы министрінің 2010 жылғы 17 қыркүйектегі № 464 Бұйрымен күші жойылды
2008 жылғы 10 желтоқсандағы «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 653-бабына сәйкес БҰЙЫРАМЫН:
1. Қоса беріліп отырған Акциздік қосындардың қызметін ұйымдастыру ережесі бекітілсін.
2. Облыстар, Астана және Алматы қалалары бойынша салық органдарының басшылары акциздік қосындардың жұмыстарын ұйымдастырсын.
3. Қазақстан Республикасының Қаржы министрлігі Салық комитеті (Д.Е. Ерғожин) осы бұйрықтың Қазақстан Республикасы Әділет министрлігінде мемлекеттік тіркелуін қаматамасыз етсін.
4. «Акцизделетін өнім өндіретін ұйымдарда акциздік қосындарды ұйымдастыру ережесін бекіту туралы» Қазақстан Республикасы Қаржы министрлігінің Салық комитеті Төрағасының 2007 жылғы 10 мамырдағы бұйрығының (Нормативтік құқықтық актілерді мемлекеттік тізілімінде № 4711 болып тіркелген, «Заң газеті» газетінде 2007 жылдың 22 маусымында № 94 (1297) жарияланған) күші жойылды деп танылсын.
5. Осы бұйрық алғаш ресми жарияланған күннен бастап қолданысқа енгізіледі және 2009 жылдың 1 қаңтарынан пайда болатын қатынастарға қолданылады.
Қазақстан Республикасы
Қаржы министрінің
2008 жылғы 23 желтоқсандағы
№ 602 бұйрығымен
бекітілген
Акциздік қосындардың қызметін ұйымдастыру
Ережесі
Осы ереже «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 653-бабына сәйкес әзірленген және акциздік қосындардың қызметін ұйымдастыру тәртібін белгілейді.
1. Жалпы ережелер
