Қазақстан Республикасының делегациясын Ялта қаласына (Украина) іссапарға жіберу туралы
Қазақстан Республикасы Үкіметінің 2009 жылғы 19 қарашадағы № 1898 Қаулысы
Осы редакция 2009 жылғы 21 желтоқсанда енгізілген өзгерістеріне дейін қолданылды
«Орталық және жергілікті мемлекеттік органдарда, холдингтерде, ұлттық компанияларда, әлеуметтік-кәсіпкерлік корпорацияларда әкімшілік шығыстарды қысқарту жөніндегі шаралар туралы» Қазақстан Республикасы Президентінің 2008 жылғы 30 желтоқсандағы № 289 өкіміне сәйкес және Тәуелсіз Мемлекеттер Достастығының Үкімет басшылары кеңесінің отырысына қатысу мақсатында Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасының делегациясы (бұдан әрі - делегация):
осы қаулының 1-қосымшасына сәйкес құрамда 2009 жылғы 19 - 20 қараша кезеңіне;
осы қаулының 2-қосымшасына сәйкес құрамда 2009 жылғы 18 - 21 қараша кезеңіне;
осы қаулының 3-қосымшасына сәйкес құрамда 2009 жылғы 14 - 21 қараша кезеңіне Ялта қаласына (Украина) іссапарға жіберілсін.
2. Қазақстан Республикасы Сыртқы істер министрлігі белгіленген тәртіппен:
осы қаулының 1-қосымшасына сәйкес құрамдағы делегация мүшелеріне қонақ үйде тұруға және тәуліктік;
осы қаулының 2 және 3-қосымшаларына сәйкес құрамдағы делегация мүшелеріне қонақ үйде тұруға, тәуліктік және Астана - Мәскеу - Симферополь - Стамбул - Астана бағыты бойынша көліктік шығыстарға 2009 жылға арналған республикалық бюджетте 005 «Шетелдік іссапарлар» бағдарламасы бойынша көзделген қаражат есебінен валюта айырбастаудың берілетін күнгі нарықтық бағамы бойынша шетелдік валютада қаражат бөлсін.
3. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2009 жылғы 19 қарашадағы
№ 1898 қаулысына
1-қосымша
Ялта қаласына (Украина) іссапарға жіберілетін Қазақстан Республикасы делегациясының құрамы
