Санитариялық-эпидемиологиялық қызметтің мемлекеттік ұйымдарының құзыретін және жұмыс істеу тәртібін белгілеу туралы
Қазақстан Республикасының Денсаулық сақтау министрінің 2009 жылғы 2 қарашадағы № 639 бұйрығы
«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі Кодексіне сәйкес БҰЙЫРАМЫН:
1. Осы бұйрыққа қосымшаға сәйкес Санитариялық-эпидемиологиялық қызметтің мемлекеттік ұйымдарының құзыреті және жұмыс істеу тәртібі белгіленсін.
2. Осы бұйрықтың орындалуын бақылау Қазақстан Республикасының Денсаулық сақтау вице-министрі Т.А. Вощенковаға жүктелсін.
3. Осы бұйрық қол қойылған күнінен бастап қолданысқа енеді.
Қазақстан Республикасының
Денсаулық сақтау министрінің
2009 жылғы 2 қарашадағы
№ 639 бұйрығына қосымша
Санитариялық-эпидемиологиялық қызметтің мемлекеттік
ұйымдарының құзыреті және жұмыс істеу тәртібі
1. Осы құжат халықтың санитариялық-эпидемиологиялық салауаттылығы саласындағы қызметті жүзеге асыратын басқа да мемлекеттік органдардың құрылымдық бөлімшелерін қоспағанда, санитариялық-эпидемиологиялық қызметтің мемлекеттік органдары мен мемлекеттік ұйымдарының құзыретін және жұмыс істеу тәртібін анықтайды.
2. Халықтың санитариялық-эпидемиологиялық салауаттылығы саласындағы қызметті жүзеге асыратын басқа да мемлекеттік органдардың құрылымдық бөлімшелерінің құзыретін қарамағында аталған құрылымдық бөлімшелері бар мемлекеттік органдар анықтайды.
