Алакөл ауданының 2010-2012 жылдарға арналған аудандық бюджеті туралы
Алматы облысы Алакөл аудандық мәслихатының 2009 жылғы 15 желтоқсандағы № 25-1 шешімі
Осы редакция 2010 жылғы 08 ақпанда енгізілген өзгерістеріне дейін қолданылды
Қазақстан Республикасы Бюджет кодексінің 9 - бабына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 - бабы 1 - тармағының 1 - тармақшасына, Қазақстан Республикасының «2010-2012 жылдарға арналған республикалық бюджет туралы» Заңына сәйкес және «Алматы облысының 2010-2012 жылдарға арналған облыстық бюджеті туралы» облыстық мәслихат шешіміне сәйкес Алакөл аудандық мәслихаты ШЕШІМ ҚАБЫЛДАДЫ:
1. 2010-2012 жылдарға арналған аудандық бюджет тиесінше 1, 2 және 3 қосымшаларға сәйкес, оның ішінде 2010 жылға төмендегі көлемде бекітілсін:
1) Кірістер - 3 млрд. 744 млн. 41 мың теңге, оның ішінде:
салықтық түсімдер бойынша - 846 млн. 369 мың теңге;
салықтық емес түсімдер бойынша - 25 млн. 680 мың теңге;
негізгі капиталды сатудан түсетін түсімдер бойынша - 3 млн. 500 мың теңге;
трансферттік түсімдері бойынша - 1 млрд. 266 млн. 448 мың теңге, оның ішінде:
облыстық бюджеттен түсетін трансферттер - барлығы - 1 млрд. 266 млн. 448 мың теңге, оның ішінде:
ағымдағы мақсатты трансферттер - 861 млн. 329 мың теңге, оның ішінде:
білім беруге - 55 млн. 978 мың теңге, соның ішінде: физика, химия, биология кабинеттерін оқу жабдығымен жарақтандыруға 16 млн. 388 млн. теңге, мектептерге лингафондық және мультимедиялық кабинеттер жасауға 22 млн. 164 мың теңге, оқу жабдықтармен орта білім беру ұйымдарын, біліктілікті арттыру институттарын қамтамасыз ету 6 млн 961 мың теңге, білім беруді ақпараттандыруға 10 млн. 465 мың теңге;
