2010 жылға арналған республикалық бюджеттің көрсеткіштерін түзету туралы
Қазақстан Республикасы Үкіметінің 2010 жылғы 12 мамырдағы № 406 Қаулысы
«Қазақстан Республикасының мемлекеттік басқару жүйесін одан әрі жетілдіру туралы» Қазақстан Республикасы Президентінің 2010 жылғы 12 наурыздағы № 936 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:
1. Осы қаулының 1-қосымшасына сәйкес 2010 жылға арналған республикалық бюджет көрсеткіштерін түзету жүзеге асырылсын.
2. «2010 - 2012 жылдарға арналған республикалық бюджет туралы» Қазақстан Республикасының Заңын іске асыру туралы» Қазақстан Республикасы Үкіметінің 2009 жылғы 22 желтоқсандағы № 2162 қаулысына мынадай толықтырулар мен өзгерістер енгізілсін:
3 тармақта:
40) тармақшадағы «бөлу.» деген сөз «бөлу;» деген сөзбен ауыстырылсын;
мынадай мазмұндағы 41-2) және 41-3) тармақшалармен толықтырылсын:
«41) осы қаулыға 41-2-қосымшаға сәйкес облыстық бюджеттерге, Астана және Алматы қалаларының бюджеттеріне «Бизнестің жол картасы - 2020» бағдарламасы шеңберінде жеке меншік кәсіпкерлікті қолдауға берілетін ағымдағы нысаналы трансферттердің сомасын бөлу;
42) осы қаулыға 41-3-қосымшаға сәйкес облыстық бюджеттерге, Астана және Алматы қалаларының бюджеттеріне «Бизнестің жол картасы - 2020» бағдарламасы шеңберінде индустриялық инфрақұрылымды дамытуға берілетін нысаналы даму трансферттерінің сомасын бөлу.»;
4-тармақта:
төртінші абзац мынадай редакцияда жазылсын:
«Қазақстан Республикасы Мәдениет министрлігіне 2 656 661 мың теңге»;
мынадай мазмұндағы сегізінші абзацпен толықтырылсын:
«Қазақстан Республикасы Байланыс және ақпарат министрлігіне 78 550 мың теңге»;
жиырма бірінші және жиырма екінші абзацтардағы «және ақпарат» деген сөздер алып тасталсын;
15-2-тармақ мынадай редакцияда жазылсын:
«15-2. Қазақстан Республикасы Экономикалық даму және сауда министрлігі жергілікті атқарушы органдармен бірлесіп 2010 жылғы 30 мамырға дейінгі мерзімде:
«Бизнестің жол картасы - 2020» бағдарламасы шеңберінде кәсіпкерлікке мемлекеттік қаржылай қолдау көрсету тәртібі шешімінің жобасын;
