2010 жылы ақылы қоғамдық жұмыстарды ұйымдастыру туралы
Астана қаласы әкімдігінің 2010 жылғы 15 қаңтардағы № 23-12қ Қаулысы
Осы редакция 2010 жылғы 24 маусымда енгізілген өзгерістеріне дейін қолданылды
«Халықты жұмыспен қамту туралы» Қазақстан Республикасының 2001 жылғы 23 қаңтардағы Заңына, «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы» Қазақстан Республикасы Үкіметінің 2001 жылғы 19 маусымдағы № 836 қаулысына сәйкес, халықты жұмыспен қамтамасыз етуге мемлекеттік кепілдік беру жүйесін кеңейту мақсатында Астана қаласының әкімдігі ҚАУЛЫ ЕТЕДІ:
1. Осы қаулының 1-қосымшасына сәйкес 2010 жылы жұмыссыздар мен оқитын, жастар үшін ақылы қоғамдық жұмыстар ұйымдастырылатын кәсіпорындар мен ұйымдардың тізімі (бұдан әрі - Тізімі) бекітілсін.
Тізімге енгізуге тиісті қаржы жылына осы мақсаттарға бөлінген қаражаттар шегінде әлеуметтік-пайдалы бағыттары бар және жұмыскердің алдын ала кәсіптік даярлауын талап етпейтін қоғамдық жұмыстарды ұйымдастыруға «Астана қаласының Жұмыспен қамту және әлеуметтік бағдарламалар басқармасы» мемлекеттік мекемесіне (бұдан әрі - Басқарма) өтінім берген кәсіпорындар мен ұйымдар жатады.
2. «Алматы», «Есіл», «Сарыарқа» аудандарының әкімдері Басқармамен бірлесіп 2010 жылы қолайлы жұмыс іздеуде қиындық көріп жүрген жұмыссыздар мен сабақтан бос уақытында оқитын жастар үшін ақылы қоғамдық жұмыстар ұйымдастырсын.
3. Ақылы қоғамдық жұмыстармен қамтылған жұмыссыздардың және оқитын жастардың еңбекақы төлемі 2010 жылға қала бюджетінде қаралған қаражаттар шегінде еңбекақыдан төмен емес еңбеақы мөлшерінде жұмыстардың нақты орындалған көлемі үшін жергілікті бюджет қаражаты есебінен жүргізілсін.
Кәсіпорындар мен ұйымдардың орындалған жұмыс санына, сапасына және ауырлығына қарап жұмыссыздарға өз қаражаты есебінен нақты орындалған жұмысқа қосымша үстеме ақы белгілеуге құқылы.
