Банктер қаражатының бір бөлігін ішкі активтерге орналастыру жөніндегі нұсқаулықты бекіту туралы
Қазақстан Республикасының Ұлттық Банкі Басқармасының 2000 жылғы 2 маусымдағы № 262 қаулысы
(2010.03.09. берілген өзгерістер мен толықтырулармен)
Осы редакция 2011 жылғы 28 ақпанда енгізілген өзгерістеріне дейін қолданылды
ҚР Қаржы нарығын және қаржы ұйымдарын реттеу мен қадағалау жөніндегі агенттігі Басқармасының 25.10.04 ж. № 302 қаулысымен тақырыбы өзгертілді (бұр. ред. қара)
Қазақстан Республикасының банк заңдарын, сондай-ақ ұлттық экономиканың қаржылық өсуiн қамтамасыз етуге ықпал ететiн шараларды жетiлдiру мақсатында Қазақстан Республикасы Ұлттық Банкінің Басқармасы қаулы етеді:
ҚР Ұлттық Банкі Басқармасының 09.10.00 ж. № 377 қаулысымен; ҚР ҚҚА Басқармасының 25.10.04 ж. № 302 қаулысымен 1-тармақ өзгертілді (бұр.ред. қара)
1. Банктер қаражатының бiр бөлiгiн iшкi активтерге орналастыру жөніндегі нұсқаулық бекітілсiн және 2000 жылғы 1 қазаннан бастап күшiне енгiзiлсiн.
ҚР ҚҚА Басқармасының 25.10.04 ж. № 302 қаулысымен 2-тармақ өзгерту енгізілді (бұр. ред. қара)
2. Банктердi қадағалау департаментi (Мекiшев А.А.):
1) Заң департаментiмен (Шәрiпов С.Б.) бiрлесiп осы қаулыны және Банктер қаражатының бiр бөлiгін iшкi активтерге орналастыру жөніндегі нұсқаулықты Қазақстан Республикасының Әдiлет министрлігінде мемлекеттік тiркеуден өткізу шараларын қабылдасын;
2) Қазақстан Республикасының Әдiлет министрлігінде мемлекеттік тiркеуден өткiзiлген күннен бастап екi апталық мерзiмде осы қаулыны және Банктер қаражатының бiр бөлiгiн iшкi активтерге орналастыру тәртібі туралы нұсқаулықты Қазақстан Республикасы Ұлттық Банкінің аумақтық филиалдарына және екiншi деңгейдегi банктерге жiберсiн.
ҚР Ұлттық Банкі Басқармасының 09.10.00 ж. № 377 қаулысымен; ҚР ҚҚА Басқармасының 25.10.04 ж. № 302 қаулысымен 3-тармақ өзгертілді (бұр. ред. қара)
